مسدار الرجوع للفول

ﻓﻲ ﺍﻟﻌﻴﺪ ﺍﻟﻜﺒﻴﺮ .. ﺿﻘﻨﺎ ﺍﻟﻠﺤﻮﻡ ﻭﺍﻟﺮﺍﺣﺔ
ﺷﺮﺑﻮﺕ ﺍﻟﺴﺮﻭﺭ ﻓﻮﻗﻮ ﺍﻟﺨﻠﻭﻖ ﻣﻨﺪﺍﺣﺔ
ﻓﺎﺕ ﺍﻟﻌﻴﺪ ﺧﻼﺱ .. ﻳﺎ ﺍﻟﻔﻮﻝ ﻣﻠﻜﺖ ﺍﻟﺴﺎﺣﺔ
ﺍﺻﻠﻮ ﺍﻟﻌﺮﺟﺎ ﺑﺘﻌﻮﺩ ﺗﺎﻧﻲ ﺗﻤﺸﻲ ﻣﺮﺍﺣﺎ

ﻋﻴﺪ ﺍﻻﺿﺤﻰ ﺑﺴﻌﺪﻧﺎ .... ﻭﻛﺘﻴﺮ ﺑﻌﺠﺒﻨﺎ
ﺍﻻ ﺍﻟﻠﻴﻠﺔ ﺟﻴﺖ ﻟﻠﻔﻮﻝ ... ﻭﻣﻮﻳﺔ ﺍﻟﺠﺒﻨﺔ
ﻳﺎﺧﻲ ﺍﻟﻔﺘﺔ ‏( ﺷﻴﺮﻧﻨﻖ ‏) ... ﺍﺻﻠﻮ ﻣﺎ ﺑﺘﻐﻠﺒﻨﺎ
ﺍﻣﺎ ﺍﻟﻠﺤﻤﺔ ﻛﺎﻥ ﺷﻔﻨﺎﻫﺎ ﺳﺎﺍﺍﻱ ﺗﺮﻫﺒﻨﺎ

ﺣﻠﻴﻞ ﺯﻣﻦ ﺍﻟﻜﻮﺍﺭﻉ ... ﻭﺍﻟﻤﺮﺍﺭﺓ ﺍﻟﻨﻴﺔ
ﻭﺍﻟﺸﻄﺔ ﺍﻟﻤﻈﺒﺒﺒﻄﺔ ﺑﻲ ﺣﺪﺍﻫﺎ ﺍﻟﺸﻴﺔ
ﺍﻟﺸﺮﺑﻮﺕ ﺣﻠﻴﻠﻮ ... ﺍﻟﻜﺎﻥ ﺑﻨﻌﻨﺶ ﺑﻴﺎ
ﻣﺎﻻ ﺍﻟﻔﺮﺣﺔ ﻣﺎ ﺑﺘﺪﻭﻡ ﻣﻌﺎﻧﺎ ﺷﻮﻳﺔ

ﻗﻮﻝ ﻟﻠﺸﻴﺔ ﻭﺍﻟﺸﺮﺑﻮﺕ ﺯﻣﻨﻜﻢ ﻭﻟﻰ
ﺩﺍ ﺍﻟﻔﻮﻝ ﺍﻟﻤﺼﻠﺢ ... ﻏﺎﻳﺘﻮ ﻣﺎﺍﺍﺍﺍ ﺑﺘﺨﻠﻰ
ﺻﺤﻦ ﺍﻟﻔﺘﺔ ﻣﺎﺍﺍ ﺑﻨﻨﺴﺎﻛﺎ ﺣﺎﺷﺎ ﻛﻼ
ﻭﺍﻟﺒﻨﺴﻰ ﺍﻟﻘﺪﻳﻢ ﻳﺎ ﺩﺍﺍﺍﺍﺑﻮ ﻃﺶ ﻭﺿﻠﺔ

ﻣﺎ ﺍﺗﻨﻜﺮﺕ ﻳﻮﻡ ... ﺍﻻ ﺍﻟﺤﺼﻞ ﻛﺎﻻﺗﻲ
ﻓﻲ ﺍﻟﻌﻴﺪ ﺍﻟﻜﺒﻴﺮ ﺟﺎﺑﻮﻟﻨﺎ ﻛﺒﺸﺎ ﻋﺎﺍﺍﺍﺗﻲ
ﻋﺎﺩ ﻳﺎﻫﺎ ﺍﻟﻈﺮﻭﻑ ... ﺍﻟﻠﺨﺒﻄﺖ ﺣﺎﺟﺎﺗﻲ
ﺑﻌﺪ ﺍﻟﻌﻴﺪ ﻳﻔﻮﺕ اصلي ﺑﺒﻘﻰ ﻧﺒﺎﺗﻲ

ﻳﺎ ﺍﻟﻔﻮﻝ ﺍﻟﻤﻼﻥ ﺑﺮﻭﺗﻴﻦ ﻣﻘﺎﺍﺍﺍﻣﻚ ﻋﺎﻟﻲ
ﺻﺤﻨﻚ ﻓﻲ ﺍﻟﻔﻄﻮﺭ ﺛﺎﺑﺖ ﻣﻌﺎﻱ ﻃﻮﺍﻟﻲ
ﺍﺻﻼ ﻣﻦ ﺯﻣﺎﻥ .... ﺯﻭﻻ ﻣﺮﻳﺢ ﺑﺎﻟﻲ
ﻻ ﻫﺎﻣﻴﻨﻲ ﺿﺎﻥ ... ﻻ ﻛﺒﺪﺓ ﻻ ﻋﺠﺎﻟﻲ