منبر الأدب السودانى والعربى والعالمى

**عثمان حسن** · الإثنين 21 سبتمبر 2015, 1:01 pm

وجه القمر سافِر

وجه القمر سافِر يضوى شعاع ونور وافر
يا بدر ساءلك جاوب ليش أخوك نافر

من حيو السباع تنتر ومن رمشو السهم طافر
ريم يسحبلى سيف لحظو وآخر بالسلاح غافر
يادمع ادفق ودع يا قلب سافر
شوقي لي ضامر
هل بى نظرتك اظفر يا من بى القلوب ظافر

كاحل طرفك الناعس والجيد بالاسيس غامر
مجدولات اديك صدرك رجح طبق الضامر
زيدنى من تيهك طائع ليك يا آمر
زهرة السامر
رفقا بمجنونك يا ليلة بنى عامر

اعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
ونورك يتوقد لي عيون الخلوق جاهر
ظلمي شئ ظاهر
وإشراق الفجر يشهد على طرفي العليل ساهر

في دولة صباك تايه يا الفى عشقي ماك فاكر
أصبح مسكنك قلبي الفى كل ثانيه ليك ذاكر
لو رأيت محيك يا البى نظرتك ماكر
ليك أكون شاكر
وأم الأفق بيك تقنع لا تولد شمس باكر

تنظر بانه تتمايل في ثياب لو قدم خاتر
وتنظر كيف صدير يقلع تفاحو وردف ناتر
وبين ناعساتو يضوى الصارم الباتر
اللحاظ فاتر
لامعه سيوفو تتبارق من كسراتو يا ساتر

عاشق محيك الضاوى وعاشق حسنك النادر
تقبل لحظك يمرضني وانت على شفاى قادر
في هواك قابل تنفيذ أمرك الصادر
لي ليه غادر
حلمك جود وأتعطف سارع بى لقاي بادر

وحيات طرفك الناعس وحيات حاجبك الداير
وحيات خدك المجلى ومنظوم ثغرك الناير
بى لقاك تسمح لو كان في المنام زاير
فكرى فيك حاير
كل ساعة جيش حبك يهجم في الصدر غاير

الموضوع الأصلي : صالح عبد السيد (ابوصلاح) // المصدر : منتديات أحلى حكاية // الكاتب: عثمان حسن

**عثمان حسن** · الإثنين 21 سبتمبر 2015, 1:03 pm

صالح عبد السيد (ابوصلاح)

سبعة من صدر علا

ماله سبعه أم صدر علا **في قلبي النار تشعلا
يا نسيم الروض قابلا ***بالتحيه ان كان تقبلا
أوعي حاسب لا تقبلا **تبقي عاشق والغي بلا
شوف لحاظه البتتكلا ***والتر هف والجنتلا......
والتمايل و الحنتلا ***** و الترهف والجنتلا
والصدير المال فاتلا ***** والرداف بناتلا
صد عيونه وفي ترتلا ***لا آراك لا بانه متلا
فايقه بدر النم انجلا ****يا نديم الفي ابتلا
شوفه هالك الناس قاتلا **هي الدلال والتيه شائلا
بعقولنا المترجلا ******في غرامك متوحلا
بالعيون المتكحلا******والشلوخ الزادن حلا
بالخديد الضو انجلا *****والبدور بالنور خجلا
سبعه أم لونا غامق الخضار
سبعه ام لونا غامق الخضار ****فايقه السندس لمعه و نضار
حسنك ندر *******حاجبك ذي قوس لسهامه دار
عندي اختيار
جدول دمعي وسال بانحدار
وأصلو العاشق طالب الودار
بي لماك أخضر من دون ابار
وضهيرك قيراط با لعبار
حسنك سحر
جسمي وطيفك زارني في السحر
يورد دمعي المتل البحر
وليه ضيافة النوم انتحر
اتجلي نار
قنديل وجهك يخفي الفنار
ليك نور ولي جوفي نار
وعينك تخجل غرر الكنار
نهاية القرار
صدرك يقلع ويرجع مرار
تسقي عشوقك كأس المزار
وللعذول النار والشرار

الموضوع الأصلي : صالح عبد السيد (ابوصلاح) // المصدر : منتديات أحلى حكاية // الكاتب: عثمان حسن

**عثمان حسن** · الإثنين 21 سبتمبر 2015, 1:46 pm

صالح عبد السيد (ابوصلاح)

البديع الهواك سباني

البديع الهواك سباني يا اخا البدر يا مكمل
*******************
كل من طرفه فيك تامل.......... قلبه من الغرام تحمل
كم عقل فى هواك مهمل ........ مزوى بين خصرك المزمل
المضمر فريعه بانى علاه بدر الصفا المجمل
*********************
يا جميل هجرى طال تسلسل .......... بين ايديك حبى ليك تمثل
يا رشيق عن قتيل هواك سل ........... برقك المن ثناك يرسل
نور عقيد درك الجمانى ضاوى بين فاطرك المعسل
************************
لى سواك قلبى لا يرى محل ........ ومستحيل عن فؤادى ترحل
وما يجد عن شروط هواك حل ........ والسهم منه جسمى ينحل
كم سحب لحظة اذانى من طريفه السقيم واكحل
***********************
ديل ايديك ام حرير مجدل ....... والوريد ولا القامه اعدل
هل صباح بالمحى تبدل .......... وده الاسيس ولا نور مسدل
والكتيف لى ضميره تانى فى ارايك الدروع مهدل
**************************
ركنى ليه من هواك تزلزل ......... والنفوس فى رضاك تبزل
يالرشيق الحشاك مهزل ......... ياملاك من علاك منزل
المريض فى الهلاك يعانى يحيا لو طرفو فيك تغزل
*************************
يا قمر فى سماك مدلل ........... شوقى ذاد ومنامى قلل
الملك للغرام تذلل ........ لى قلب برضاك تعلل
يا الهواك اضحى لى تهانى لابسه تاج بالدر مكلل
**********************
كيف هواك عن فؤادى ينقل ...... ده المحال ما اظنه يعقل
يار قيق الحشا المفقل ......... يضوى سيف طرفك المصقل
لو سحب لحظه هندوانى للجمال الرواسى قلقل
**************************
قلبى بذكرتم تاهل ............ وشوقى كاد منه عقلى يزهل
والدموع من عيونى تبهل .......... ما اظن بالعلى تجهل
فى الخيال احيا لو ترانى والنجوم من وصالك اسهل

الموضوع الأصلي : صالح عبد السيد (ابوصلاح) // المصدر : منتديات أحلى حكاية // الكاتب: عثمان حسن

**عثمان حسن** · الإثنين 21 سبتمبر 2015, 1:52 pm

صالح عبد السيد (ابوصلاح)

يا سمير بنظرتك

يا سمير بِي نظرتك اوفي المِعاد العيون الشافتك ما اسعدا
من هواك انا جسمي دايماً في ارتعاد امّا نومي الفرّ ما منظور يُعاد
يكفي وجدي ويكفي هجري والبُعاد ِرق وجود وانظر لي راحات قلبي عاد
لو رضاك ينجز حظوظي يساعدا
زاد غرامي و عيشي قط ماليّ لاد يانُسِّيم غيثني من الم الجلاَّد
جيب لي طيب الجسمو أحلي من الجلاَد تسري بين اكمام بساتين البِلاد
مافي زهرة و الا عزمك قالدا
يانُسيِّم نومي قلّ وزاد عناد استعد اصبَح عليك الإستناد
اجتهد في سرعه زي قدح الزناد تلقي سيّاف لحظو صاحي وطرفو ناد
احتفِلبو و لِفُّو بي توب النَدا
قولُّو ياالمكحول طبيع من غير ثماد يالصديرك شال ثمارو وخصرو ماد
ياالمحجّب في غُرف ذات العماد لو سهام عينيك صدف راسي الجماد
غير شك دكَّ الحجاره وهَمّدا
صرت اعجب دمعي ليه ملأ المِهاد صبري ولَّي وشوقي دايما في اجتهاد
الغرام بي جيوشو لي حصون قلبي هاد طرفي خاصم نومي وانطفي بالسهاد
ماشكيت الحب شكيت ما اللي هَدا
ليلِي طال عتَّم نشر توب الحَداد من نجومه توشح الدُرر الجُداد
طرفي ساهر يتلو آيات الوداد الشجر اقلام جميع والنيل مِداد
لو كتب اشواقي ليك ما عددا

الموضوع الأصلي : صالح عبد السيد (ابوصلاح) // المصدر : منتديات أحلى حكاية // الكاتب: عثمان حسن

**عثمان حسن** · الإثنين 21 سبتمبر 2015, 1:56 pm

صالح عبد السيد (ابوصلاح)

يا سمير بنظرتك

يا سمير بِي نظرتك اوفي المِعاد العيون الشافتك ما اسعدا
من هواك انا جسمي دايماً في ارتعاد امّا نومي الفرّ ما منظور يُعاد
يكفي وجدي ويكفي هجري والبُعاد ِرق وجود وانظر لي راحات قلبي عاد
لو رضاك ينجز حظوظي يساعدا
زاد غرامي و عيشي قط ماليّ لاد يانُسِّيم غيثني من الم الجلاَّد
جيب لي طيب الجسمو أحلي من الجلاَد تسري بين اكمام بساتين البِلاد
مافي زهرة و الا عزمك قالدا
يانُسيِّم نومي قلّ وزاد عناد استعد اصبَح عليك الإستناد
اجتهد في سرعه زي قدح الزناد تلقي سيّاف لحظو صاحي وطرفو ناد
احتفِلبو و لِفُّو بي توب النَدا
قولُّو ياالمكحول طبيع من غير ثماد يالصديرك شال ثمارو وخصرو ماد
ياالمحجّب في غُرف ذات العماد لو سهام عينيك صدف راسي الجماد
غير شك دكَّ الحجاره وهَمّدا
صرت اعجب دمعي ليه ملأ المِهاد صبري ولَّي وشوقي دايما في اجتهاد
الغرام بي جيوشو لي حصون قلبي هاد طرفي خاصم نومي وانطفي بالسهاد
ماشكيت الحب شكيت ما اللي هَدا
ليلِي طال عتَّم نشر توب الحَداد من نجومه توشح الدُرر الجُداد
طرفي ساهر يتلو آيات الوداد الشجر اقلام جميع والنيل مِداد
لو كتب اشواقي ليك ما عددا

الموضوع الأصلي : صالح عبد السيد (ابوصلاح) // المصدر : منتديات أحلى حكاية // الكاتب: عثمان حسن

**عثمان حسن** · الإثنين 21 سبتمبر 2015, 1:59 pm

صالح عبد السيد (ابوصلاح)

ولهان هامى دمعي

ولهان هامى دمعى سهران ساهى بالي
بعدك لى ميسر وقربك ليه ابالي
اخشى يكون حبيبى ترك البين حبالي
ما ضراك وطيفك لو فى النوم صبالي
يوم ودعت حسنك يوم ودعت بالي
امتى اشوف جمالك وامتى تكون قبالي
بى ذكراك معذب كل ما الليل مسالي
قلبى يزيد حنانو وقلبك ليه قسالي
جرت وجار زمانى وخاطرك طاب تسالي
مهما جد بينك صابر مانى سالي
ابكى حبيبى بعدك ايامى الخوالي
انشد فيك صفاهن وانشد فيك موالي
لولا سيل دموعى بلانى وروالي
حرقت جسمى نارك وحرق الكان حوالي
صدو سبب ذهولي وبعدو سبب ملالي
حبو ملك فؤادي واتمازج خلالي
نور محيو الهلالي ونور خدو البلالي
بعدت عنى دارك وشط البين رحالي
انا سهران حبيبي وطرفك ما صحالي
انا ولهان وراضي ومرك عندى حالي
واللايمني فيك يا خالي يصيبه حالي
عنب الشام بحبو الا مثالو غالي

الموضوع الأصلي : صالح عبد السيد (ابوصلاح) // المصدر : منتديات أحلى حكاية // الكاتب: عثمان حسن

**عثمان حسن** · الإثنين 21 سبتمبر 2015, 2:01 pm

صالح عبد السيد (ابوصلاح)

أعطف على يا ريم

أعطف على يا ريم يا نافر الغزلان
خصرك رقيق وعلى قلبك حجر ما لان

أنا يا جميل بهواك فعلا وقول لسان
بالنغمة تسكرني وبالنظرة والميسان

فادع رجح خصرك ولى سيف لحاظك سان
وأنا يا مدلل قصدى من الحسن احسان

بحسب دقايق الليل أنا والنجم زملان
متابع هواك ومجافي الأهل والخلان

يالعالي صدرك مال وضميرك الهزلان
يوم عيني تنظر خدك لو مت ما زعلان

يا أكحل العينين يا ناير الأوجان
شكلك يشيل ويريع قلب الأنس والجان

شفنا البدور تسرج من بسمتك سرجان
ما بين بياض الدر وخضرة المرجان

يا آية الحسن وريحانة السودان
وغاية محاسن الجيل فى كافة البلدان

ساكن بشاطئ النيل وبداخل الأبدان
في حارة فيها محاسن جنة الولدان

الموضوع الأصلي : صالح عبد السيد (ابوصلاح) // المصدر : منتديات أحلى حكاية // الكاتب: عثمان حسن

منبر الأدب السودانى والعربى والعالمى

منتدى الأدب السودانى والعربى والعالمى

منتدى شعر الحقيبة السودانية

الذين يشاهدون محتوى الموضوع الآن : 20 ( الأعضاء 3 والزوار 17)