المنبر الرياضى

**عثمان حسن** · الأربعاء 09 سبتمبر 2015, 7:16 pm

أعمدة الأربعاء 9 سبتمبر 2015 م

ﺍﺗﻜﻠﻤﻮﺍ ﻗﺪﺭ )ﻧﻘﺎﻃﻜﻢ (

·ﺍﻟﻔﺮﻕ ﻓﻲ ﻟﺤﻈﺔ ﺑﻘﻰ )6 ( ﻧﻘﺎﻁ
..ﻳﻌﻨﻲ ﻟﻮ ﻗﻌﺪﺕ ﺗﻜﻮﺭﻙ ﻭﺃﻧﺖ ﻓﻲ
ﺍﻟﻬﻼﻝ ﻟﻲ ﻧﺎﺱ ﺍﻟﻤﺮﻳﺦ ﻣﺎ ﺑﺴﻤﻌﻮﻙ
""""""""""""""""""""""""""·
·ﺯﻭﻟﻜﻢ ﺍﻟﻤﺮﻳﺨﺎﺑﻲ ﻭﻫﻮ ﻃﺎﻟﻊ ﻛﺪﺍ ﻗﺎﻝ
ﻟﻠﺪﻛﺘﻮﺭ : ﻋﻠﻴﻚ ﺍﻟﻠﻪ ﻫﺴﻊ )ﺍﻟﻄﺤﻨﻴﺔ (
ﺍﻟﺪﺧﻠﻬﺎ ﺷﻨﻮ ﻓﻲ )ﺍﻟﺬﻫﻮﻝ (؟ ﻋﺸﺎﻥ
ﺗﺤﺮﻣﻨﻲ ﻣﻨﻬﺎ
""""""""""""""""""""""""·
·ﻧﺤﻦ ﺯﻣﺎﻥ ﻭﻗﺖ ﺩﺧﻠﻨﺎ ﺍﻻﺑﺘﺪﺍﺋﻲ ..ﻭﻗﺖ
ﻛﻨﺎ ﻓﻲ ﺳﻨﺔ ﺃﻭﻟﻰ ﺍﺑﺘﺪﺍﺋﻲ ..ﻛﻨﺎ ﺑﻨﺸﻮﻑ
ﻧﺎﺱ ﺳﻨﺔ ﺳﺎﺩﺳﺔ ﺩﻳﻞ ﻛﺒﺎﺭ ﺷﺪﻳﺪ
""""""""""""""""""""""""""""""""·
· )ﺍﻟﺠﻘﻠﻴﺒﺔ ( ﻭ )ﺍﻟﺜﻜﻠﻴﺒﺔ ( ﻭ )ﺍﻟﺠﻌﺮﻳﺒﺔ ( ﻭ
)ﺍﻟﺮﺩﺣﻴﺒﺔ ( ﻭ )ﺍﻟﺸﺒﻄﻴﺒﺔ ( ﻭ )ﺍﻟﺸﻤﻄﻴﺒﺔ (
ﻭ )ﺍﻟﺠﺮﺳﻴﺒﺔ ( ﻭ )ﺍﻟﺤﺮﺩﻳﺒﺔ ( ﻭ )ﺍﻟﺰﻋﻠﻴﺒﺔ ( ﻭ
)ﺍﻟﺸﻜﻠﻴﺒﺔ ( ﻭ )ﺍﻟﺸﻜﻮﻳﺒﺔ ( ﻭ )ﺍﻟﺠﺮﻭﻳﺒﺔ (
ﻛﻠﻬﺎ ﻓﻲ ﺍﻟﻤﺮﻳﺦ ﺍﻵﻥ
""""""""""""""""""""""""""""""""""
·ﺗﺘﻜﻠﻤﻮﺍ ﻓﻲ ﺍﻷﻫﻠﻲ ﺷﻨﺪﻱ ...ﻣﻤﻜﻦ
..ﻣﻨﺎﻓﺴﻜﻢ ﺍﻟﺤﻘﻴﻘﻲ.
·ﺍﻟﺘﺄﺟﻴﻞ ﺑﻤﺮﻗﻜﻢ ﻣﻦ ﻣﺼﻴﺮﻛﻢ.
·ﺍﻷﻫﻠﻲ ﻣﺎ ﻋﺎﻭﺯﻳﻦ ﺗﻠﻌﺒﻮ ﻣﻌﺎﻫﻮ.
·ﻗﺎﻟﻮﺍ ﻟﻴﻚ ﻣﺰﻣﻞ ﺃﺑﻮ ﺍﻟﻘﺎﺳﻢ ﺑﺤﺴﺐ ﻓﻲ
ﻧﻘﺎﻁ ﺍﻷﻫﻠﻲ ﻭﺑﻄﻠﻊ ﻓﻲ ﺍﻟﻤﻮﺍﺟﻬﺎﺕ
ﺍﻟﻤﺒﺎﺷﺮﺓ.
·ﻫﻼﻝ ﺍﻷﺑﻴﺾ ﻣﺎ ﻋﺎﻭﺯﻳﻦ ﺗﻠﻌﺒﻮ ﻣﻌﺎﻫﻮ.
·ﻗﺎﻟﻮﺍ ﻟﻴﻜﻢ ﺍﻷﻳﺎﻣﺎﺕ ﺩﻱ ﻣﺤﺴﻦ ﺳﻴﺪ
..ﺑﺮﺍﻗﺐ ﻓﻲ ﺗﻤﺎﺭﻳﻦ ﺍﻷﻫﻠﻲ
ﺷﻨﺪﻱ..ﺑﺮﺻﺪ ﻓﻲ ﺧﻄﻂ ﻣﺒﺎﺭﻙ ﺳﻠﻴﻤﺎﻥ.
·ﺍﻟﻜﺘﻮﻑ ﺍﺗﻼﺣﻘﺖ ...ﺃﻫﻠﻲ ﺷﻨﺪﻱ -
ﺍﻟﻤﺮﻳﺦ.
·ﺍﻟﻤﺮﻳﺦ ﻳﺪﺍﻓﻊ ﻋﻦ ﻭﺻﺎﻓﺘﻪ.
·ﻫﺴﻊ ﺍﻟﺸﻜﺎﻭﻯ ﺩﻱ ﻛﻠﻬﺎ ﻳﺎ ﻛﺎﺑﻮ ﻋﺸﺎﻥ
ﻣﺎ ﺗﻔﻘﺪﻭﺍ )ﻭﺻﺎﻓﺘﻜﻢ (.
·ﻭﺍﻟﻠﻪ ﻳﺎ ﺳﻠﻚ ﺍﻟﻤﺮﻳﺦ ﻟﻮ ﺟﺎﺀ ﺍﻟﺮﺍﺑﻊ
ﺑﻜﻮﻥ ﻓﻴﻪ ﺣﻼﺓ ﻋﻤﻮﺩ.
·ﺃﻧﺖ ﺫﺍﺗﻚ ﻣﺎ ﺑﺘﻘﺼﺮ ﻣﻌﺎﻫﻢ.
·ﺍﻟﻤﺮﻳﺨﺎﺏ ﻳﺘﻜﻠﻤﻮﺍ ﻋﻦ ﺍﻟﺨﺮﻃﻮﻡ
ﺍﻟﻮﻃﻨﻲ ..ﺑﺮﺿﻮ ﻣﻨﻄﻖ ..ﻓﻘﺪ ﺗﺠﺮﺩﻛﻢ
ﺍﻟﺨﺮﻃﻮﻡ ﺍﻟﻮﻃﻨﻲ ﻫﺬﻩ ﺍﻟﻤﺮﺓ ﻣﻦ
)ﻭﺻﺎﻓﺘﻜﻢ (...ﻭﺗﺰﺣﻒ ﻧﺤﻮ ﻣﻮﻗﻌﻜﻢ
ﺍﻟﺮﺳﻤﻲ.
·ﺍﻷﻳﺎﻣﺎﺕ ﺩﻱ ﺍﻟﺨﺮﻃﻮﻡ ﺍﻟﻮﻃﻨﻲ ﻛﻤﺎﻥ
ﺳﻤﻬﺎ ﻓﺎﺋﺮ.
·ﻫﻼﻝ ﺍﻷﺑﻴﺾ ﻣﻤﻜﻦ.
·ﻫﻼﻝ ﺍﻷﺑﻴﺾ ﻓﻘﺪﻛﻢ )ﺍﻷﻣﻞ (..ﻭﻓﻲ
ﻛﺄﺱ ﺍﻟﺴﻮﺩﺍﻥ ﺇﻥ ﺷﺎﺀ ﺍﻟﻠﻪ ﺡ ﻳﻔﻘﺪﻛﻢ
)ﺍﻟﺮﻧﻚ ( ﺫﺍﺗﻬﺎ.
·ﺍﻟﻔﺮﻕ ﺩﻱ ﻣﻤﻜﻦ ﺗﺘﻜﻠﻤﻮﺍ ﻓﻴﻬﺎ ..ﺯﻱ ﻣﺎ
ﻋﺎﻭﺯﻳﻦ ..ﺗﺸﺘﻜﻮﻫﺎ ..ﺗﺸﺘﻜﻴﻜﻢ ... )ﺑﻲ
ﻃﺮﻳﻘﺘﻜﻢ (.
·ﻟﻜﻦ ﺍﻟﻬﻼﻝ ..ﻻ.
·ﻭﻻ ﺑﺘﻘﺪﺭﻭﺍ ﺗﺘﻜﻠﻤﻮﺍ ﻓﻴﻪ.
·ﻭﻻ ﺑﺘﻘﺪﺭﻭﺍ ﺗﻘﻮﻟﻮﺍ ﺣﺎﺟﺔ.
·ﺷﻦ ﺟﺎﺏ ﻟﻲ ﺟﺎﺏ.
·ﻧﺤﻦ ﺍﻟﺒﺠﻴﺒﻨﺎ ﻟﻴﻜﻢ ﺷﻨﻮ؟...ﺍﻟﻔﺮﻕ ﺑﻴﻨﺎ
ﺑﻘﻰ )6 ( ﻧﻘﺎﻁ.
·ﺷﻮﻓﻮﺍ ﺍﻟﻨﺎﺱ ﺍﻟﻘﺪﺭﻛﻢ.
·ﻭﻣﺪﻭﺍ ﻛﺮﺍﻋﻜﻢ ﻗﺪﺭ ﻧﻘﺎﻃﻜﻢ.
·ﻧﺤﻦ ﺯﻣﺎﻥ ﻭﻗﺖ ﺩﺧﻠﻨﺎ ﺍﻻﺑﺘﺪﺍﺋﻲ ..ﻭﻗﺖ
ﻛﻨﺎ ﻓﻲ ﺳﻨﺔ ﺃﻭﻟﻰ ﺍﺑﺘﺪﺍﺋﻲ ..ﻛﻨﺎ ﺑﻨﺸﻮﻑ
ﻧﺎﺱ ﺳﻨﺔ ﺳﺎﺩﺳﺔ ﺩﻳﻞ ﻛﺒﺎﺭ ﺷﺪﻳﺪ.
·ﻭﻛﻨﺎ ﺑﻨﺘﻌﺎﻣﻞ ﻣﻌﺎﻫﻢ ﻋﻠﻰ ﺃﻧﻬﻢ ﻧﺎﺱ
ﻋﺎﻗﻠﻴﻦ.
·ﺑﻨﺨﻠﻲ ﻟﻴﻬﻢ ﺍﻟﺸﺎﺭﻉ ﻋﺪﻳﻞ ﻛﺪﺍ.
·ﺩﻱ 6 ﻓﺼﻮﻝ.
·ﺳﻨﺔ ﺳﺎﺩﺳﺔ ﺯﻣﺎﻥ ﺑﺘﻌﺎﺩﻝ ﻫﺴﻊ
)ﺑﻜﺎﻟﻮﺭﻳﻮﺱ (.
·ﻣﺎ ﻓﻲ ﻟﻌﺐ.
·ﻭﻛﻨﺎ ﻭﻗﺖ ﻳﻘﻮﻟﻮﺍ ﻟﻴﻨﺎ ﺍﻟﻄﺎﻟﺐ ﺩﺍ ﻓﻲ
ﺳﺎﺩﺳﺔ ﻃﺐ ..ﻛﻨﺎ ﺑﻨﺸﻮﻓﻮ ﺯﻱ
ﺍﺧﺘﺼﺎﺻﻲ ﺍﻟﻤﺦ ﻭﺍﻷﻋﺼﺎﺏ ﺍﻵﻥ.
·ﺣﺎﺟﺔ ﻛﺒﻴﺮﺓ ﺷﺪﻳﺪ.
·ﻫﺴﻊ ﺗﻌﺎﻝ ﺷﻮﻑ ﺍﺧﺘﺼﺎﺻﻲ ﺍﻟﻤﺦ
ﻭﺍﻷﻋﺼﺎﺏ ..ﻟﻮ ﻣﺎ ﻗﺮﻭﺵ ﺍﻟﻜﺸﻒ
ﺍﻟﺒﺘﺪﻓﻌﻬﺎ ﻣﺎ ﺑﺘﻌﺮﻓﻮ.
·ﺻﻠﻊ ﺳﺎﻛﺖ.
· )ﺍﻟﺠﻘﻠﻴﺒﺔ ( ﻭ )ﺍﻟﺜﻜﻠﻴﺒﺔ ( ﻭ )ﺍﻟﺠﻌﺮﻳﺒﺔ ( ﻭ
)ﺍﻟﺮﺩﺣﻴﺒﺔ ( ﻭ )ﺍﻟﺸﺒﻄﻴﺒﺔ ( ﻭ )ﺍﻟﺸﻤﻄﻴﺒﺔ (
ﻭ )ﺍﻟﺠﺮﺳﻴﺒﺔ ( ﻭ )ﺍﻟﺤﺮﺩﻳﺒﺔ ( ﻭ )ﺍﻟﺰﻋﻠﻴﺒﺔ ( ﻭ
)ﺍﻟﺸﻜﻠﻴﺒﺔ ( ﻭ )ﺍﻟﺸﻜﻮﻳﺒﺔ ( ﻭ )ﺍﻟﺠﺮﻭﻳﺒﺔ (
ﺍﻟﺒﻌﻤﻠﻮﺍ ﻓﻴﻬﺎ ﺍﻟﻤﺮﻳﺨﺎﺏ ﺍﻷﻳﺎﻣﺎﺕ ﺩﻱ ﻣﺎ
ﻋﺸﺎﻥ ﻓﻘﺪﻭﺍ ﺍﻟﻤﻤﺘﺎﺯ ﻭﺃﻣﻠﻬﻢ ﻓﻴﻪ ﺑﻘﻰ
ﺯﻱ ﺃﻣﻞ )ﺍﻟﻌﻠﻤﺔ ( ﻓﻲ ﺑﻄﻮﻟﺔ ﺩﻭﺭﻱ
ﺃﺑﻄﺎﻝ ﺃﻓﺮﻳﻘﻴﺎ ﻟﻸﻧﺪﻳﺔ.
·ﻋﺎﺩﻱ ﺍﻟﻤﻮﺿﻮﻉ ﺩﺍ ﻋﻨﺪﻫﻢ.
·ﺃﺑﺪﺍً )ﺍﻟﻨﻔﺴﻴﺒﺔ ( ﻣﺎ ﺑﺴﺒﺐ ﻫﺬﺍ ﺍﻷﻣﺮ –
)ﺍﻟﻨﻔﺴﻴﺒﺔ ﻣﻦ ﺍﻟﻨﻔﺴﻴﺎﺕ ( ﺃﺻﻠﻮ ﻣﺎ ﻋﺸﺎﻥ
ﺍﻟﺤﺎﺟﺎﺕ ﺩﻱ.
·ﺃﺣﺴﻦ ﺍﻟﺤﻜﺎﻳﺔ ﺗﺒﻘﻰ ﻟﻴﻜﻢ ﻭﺍﺿﺤﺔ ﺯﻱ
)ﺍﻟﺒﺎﺏ ﺍﻟﻜﺒﻴﺮ (.
·ﻭﺍﻟﻤﻮﺿﻮﻉ ﻭﻻ ﻋﺸﺎﻥ ﺍﻟﻔﺎﺭﻕ ﺑﻴﻦ
ﺍﻟﻬﻼﻝ ﻭﺍﻟﻤﺮﻳﺦ ﺑﻘﻰ )6 ( ﻧﻘﺎﻁ.
·ﺍﻟﻨﺎﺱ ﺩﻳﻞ ﻣﺘﻌﻮﺩﻳﻦ ﻋﻠﻰ ﺃﻥ )ﺍﻟﻤﻤﺘﺎﺯ (
ﻫﻼﻟﻲ.
·ﺍﻟﻤﻤﺘﺎﺯ ﺩﺍ ﻣﻦ ﻇﻬﺮ )ﻫﻼﻟﻲ ( –
ﻭﺍﻟﻔﺎﺭﻕ ﻣﺮﺍﺕ ﺑﻴﺼﻞ )18 ( ﻧﻘﻄﺔ.
·ﻫﺴﻊ ﺍﻟﻔﺮﻕ ﻓﻲ ﻟﺤﻈﺔ ﻛﺪﺍ ﺑﻘﻰ )6 (
ﻧﻘﺎﻁ ..ﻳﻌﻨﻲ ﻟﻮ ﻗﻌﺪﺕ ﺗﻜﻮﺭﻙ ﻭﺃﻧﺖ ﻓﻲ
ﺍﻟﻬﻼﻝ ﻟﻲ ﻧﺎﺱ ﺍﻟﻤﺮﻳﺦ ﻣﺎ ﺑﺴﻤﻌﻮﻙ.
·ﺍﻟﻤﺴﺎﻓﺔ ﺑﻌﻴﺪﺓ.
·ﻋﻮﻭﻭﻭﻭﻭﻙ ﻳﺎ ﻧﺎﺱ ﻫﻮﻭﻭﻱ.
·ﺍﻟﻔﺮﻕ 6 ﻧﻘﺎﻁ.
·ﺗﻠﻘﺎﻫﻢ ﻫﺴﻊ ﻣﺎ ﺳﺎﻣﻌﻴﻦ ﺃﻱ ﺷﻲﺀ.
·ﺟﺮﺳﺔ ﺍﻟﻤﺮﻳﺨﺎﺏ ﻭﺍﻟﻤﺸﺎﻛﻞ ﺍﻟﺒﻌﻤﻠﻮﺍ
ﻓﻴﻬﺎ ﺍﻵﻥ ﻛﻠﻬﺎ ﻋﺸﺎﻥ ﺍﻟﻤﺮﻳﺨﺎﺏ ﻣﺎ
ﻣﺼﺪﻗﻴﻦ ﺑﻌﺪ ﺍﻟﺘﻐﻴﻴﺮﺍﺕ ﺍﻟﺤﺼﻠﺖ ﻓﻲ
ﺍﻟﻬﻼﻝ ﻳﺸﻴﻠﻮﺍ ﺑﻄﻮﻟﺔ ﺍﻟﻤﻤﺘﺎﺯ.
·ﻣﺼﺪﻭﻣﻴﻦ ..ﻭﻣﺼﺎﺑﻴﻦ ﺑﻲ ﺣﺎﻟﺔ )ﺯﻏﻠﻠﺔ (.
·ﻋﻨﺪﻫﻢ )ﺫﻫﻮﻝ ( ﻏﻴﺮ ﺇﺭﺍﺩﻱ ﻛﺪﺍ.
·ﺍﻟﻮﺍﺣﺪ ﻓﻴﻬﻢ ﺑﺪﻭﻥ ﻣﺎ ﻳﺸﻌﺮ ﺗﻠﻘﺎﻩ
)ﻣﻨﺬﻫﻞ (.
·ﺍﻧﺬﻫﺎﻝ ﺳﺎﻛﺖ ﻛﺪﺍ.
·ﺍﻧﺬﻫﺎﻝ ﻏﻀﺮﻭﻓﻲ.
·ﻗﺎﻟﻮﺍ ﻟﻴﻚ ﻓﻲ ﻣﺮﻳﺨﺎﺑﻲ ﺟﺎﻫﻮ )ﺫﻫﻮﻝ (
ﺑﻌﺪ ﺍﻟﺨﺴﺎﺭﺓ ﻣﻦ ﻫﻼﻝ ﺍﻷﺑﻴﺾ..ﺍﻟﺪﻛﺘﻮﺭ
ﻗﺎﻝ ﻟﻴﻪ ﻻ ﺗﺸﺮﺏ ﺷﺎﻱ - ﻻ ﻗﻬﻮﺓ ﻭﻻ
ﺗﺎﻛﻞ ﻃﺤﻨﻴﺔ ﻭﻻ ﺷﻌﻴﺮﻳﺔ ﻭﻻ ﺳﻜﺴﻜﺎﻧﻴﺔ.
·ﺍﻟﺪﻛﺘﻮﺭ ﻋﺎﻳﻦ ﻟﻴﻪ ﻛﺪﺍ ﻭﻗﺎﻝ )ﺑﺎﻣﻴﺔ
ﻣﻔﺮﻭﻛﺔ ( ﺫﺍﺗﻬﺎ ﻣﺎ ﺗﺎﻛﻠﻬﺎ – ﺃﻧﺖ ﻋﻨﺪﻙ
)ﺫﻫﻮﻝ ( ﻳﻤﻜﻦ ﻳﻄﻮﺭ ﻭﻳﺒﻘﻰ ﻟﻴﻚ ﻣﺮﺽ
ﻛﻌﺐ.
·ﺍﻟﻤﺮﻳﺨﺎﺑﻲ ﻣﻦ ﺍﻟﺤﺎﺟﺎﺕ ﺍﻟﺘﻰ ﻣﻨﻌﻮ ﻣﻨﻬﺎ
ﺍﻟﻄﺒﻴﺐ ﻛﻠﻬﺎ ﻣﺎ ﻗﺎﻝ ﺣﺎﺟﺔ ..ﻟﻜﻦ ﺣﺮﻗﻮ
ﻣﻮﺿﻮﻉ )ﺍﻟﻄﺤﻨﻴﺔ (.
·ﺯﻭﻟﻜﻢ ﺍﻟﻤﺮﻳﺨﺎﺑﻲ ﻭﻫﻮ ﻃﺎﻟﻊ ﻛﺪﺍ ﻗﺎﻝ
ﻟﻠﺪﻛﺘﻮﺭ : ﻋﻠﻴﻚ ﺍﻟﻠﻪ ﻫﺴﻊ )ﺍﻟﻄﺤﻨﻴﺔ (
ﺍﻟﺪﺧﻠﻬﺎ ﺷﻨﻮ ﻓﻲ )ﺍﻟﺬﻫﻮﻝ (؟.
·ﺃﻧﺘﻮﺍ ﺍﻟﻮﺍﺣﺪ ﺃﺻﻠﻮ ﻣﺎ ﻳﻨﺬﻫﻞ ﻟﻴﻜﻢ.
·ﺍﻟﺪﻛﺘﻮﺭ ﻗﺎﻝ ﻟﻴﻪ ﺍﻭﻋﻚ....ﺍﻭﻋﻚ ﺗﻨﺬﻫﻞ
ﻟﻴﻨﺎ ﻫﻨﺎ.
·ﺍﻟﻬﻼﻝ ﻓﻘﺪ ﺃﻛﺜﺮ ﻣﻦ ﺳﺒﻌﺔ ﻣﻦ ﻋﻨﺎﺻﺮﻩ
ﺍﻷﺳﺎﺳﻴﺔ ..ﻓﻘﺪﻧﺎ ﺍﻟﺤﺎﺭﺱ ﺍﻷﺳﺎﺳﻲ
ﺍﻟﻤﻌﺰ ﻣﺤﺠﻮﺏ – ﻭﻓﻘﺪﻧﺎ ﻗﺎﺋﺪ ﺍﻟﻬﻼﻝ
ﻭﻛﺎﺑﺘﻨﻪ ﻋﻤﺮ ﺑﺨﻴﺖ ..ﻭﺍﻟﻤﻌﺰ ﻭﻋﻤﺮ
ﺍﻻﺗﻴﻦ ﺍﻧﺘﻘﻠﻮﺍ ﻟﻠﻤﺮﻳﺦ.
·ﻭﻻ ﻋﻤﻠﻮﺍ ﺣﺎﺟﺔ.
·ﺍﻟﻤﻌﺰ ﻣﺤﺠﻮﺏ ﺍﻟﻘﻮﻥ ﺑﺠﻴﺒﻮﻩ ﻓﻴﻪ ﺯﻱ
ﺍﻟﻨﺎﺱ ﺍﻟﺮﺍﺣﻠﻴﻦ.
·ﻓﻘﺪﻧﺎ ﺍﻷﻳﺴﺮ ﺍﻟﻐﺰﺍﻝ ﺍﻟﺸﺎﺭﺩ ﻣﻬﻨﺪ
ﺍﻟﻄﺎﻫﺮ ..ﻭﻓﻘﺪﻧﺎ )ﺧﻠﻴﻔﺔ ( ﺟﻮﻛﺮ ﺍﻟﻬﻼﻝ
ﺍﻟﺬﻱ ﻳﻠﻌﺐ ﻓﻲ )11 ( ﺧﺎﻧﺔ.
·ﻓﻘﺪﻧﺎ ﺳﻴﻤﺒﻮ ﺫﺍﺗﻮ.
·ﻓﻘﺪﻧﺎ )ﺑﻜﺮﻱ ﺍﻟﻤﺪﻳﻨﺔ ( ﺍﻟﺬﻱ ﺍﻧﺘﻘﻞ
ﻟﻠﻤﺮﻳﺦ ﻭﺃﺣﺪﺙ ﻧﻘﻠﺔ ﻭﻃﻔﺮﺓ ﻛﺒﻴﺮﺓ ﻓﻲ
ﺍﻟﻤﺮﻳﺦ ﻭﺭﻓﻊ ﻣﻦ ﺍﻟﺮﻭﺡ ﺍﻟﻤﻌﻨﻮﻳﺔ
ﻟﻠﻤﺮﻳﺨﺎﺏ..ﻟﻜﻦ ﻣﻊ ﺫﻟﻚ ﺍﻟﻔﺎﺭﻕ ﺍﻵﻥ
)6 ( ﻧﻘﺎﻁ.
·ﺑﻜﺮﻱ ﺑﻘﻰ ﺭﺃﺳﻬﻢ ﻣﺎﻟﻬﻢ ..ﻟﻮ ﺟﺎﺗﻮ ﻧﺰﻟﺔ
ﺳﺎﻛﺖ ...ﺍﻟﻤﺮﻳﺦ ﺣﺎﻟﻮ ﺑﻘﻴﻒ.
·ﺇﻋﻼﻡ ﺍﻟﻤﺮﻳﺦ ﻭﻣﺠﻠﺴﻪ ﻭﺣﺘﻰ ﺍﻟﺠﻤﻬﻮﺭ
ﻛﺎﻥ ﻳﺤﺴﺐ ﺃﻥ ﺑﻄﻮﻟﺔ ﺍﻟﻤﻤﺘﺎﺯ ﻫﺬﺍ
ﺍﻟﻤﻮﺳﻢ ﺳﻮﻑ ﻳﻜﻮﻥ ﺃﻳﺴﺮ ﻣﺎ ﻳﻤﻜﻦ ﺃﻥ
ﻳﺘﺤﺼﻞ ﻋﻠﻴﻪ ﺍﻟﻤﺮﻳﺦ.
·ﻭﺯﻋﻮﺍ ﺃﺣﻼﻣﻬﻢ ﻋﻠﻰ ﺫﻟﻚ ﻭﺑﻨﻰ
ﻃﻤﻮﺣﺎﺗﻬﻢ ﺑﺄﻥ ﻳﻜﻮﻥ ﺍﻟﻤﺮﻳﺦ ﺑﻄﻞ
ﻟﻠﻤﻤﺘﺎﺯ )ﻣﺎ ﻋﺎﻭﺯﻳﻦ ﻛﻼﻡ ﻓﻲ ﺍﻟﻤﻮﺿﻮﻉ (
.
·ﺃﻱ ﺣﺎﺟﺔ ﻛﺎﻧﺖ ﻣﻴﺴﺮﺓ ﻟﻴﻬﻢ ﺣﺘﻰ ﺣﻜﺎﻡ
ﻣﺒﺎﺭﻳﺎﺗﻬﻢ ﻟﻬﻢ ﺃﻥ ﻳﺨﺘﺎﺭﻭﻫﻢ ﺑﻲ
ﺃﻧﻔﺴﻬﻢ.
·ﻳﻄﻠﻌﻮﺍ ﺍﻟﺸﺮﻃﺔ ﻣﻦ ﺍﻟﻤﻠﻌﺐ.
·ﻭﻳﺠﻴﻚ ﺭﺿﺎ ﻭﺳﻴﺤﺔ ﻳﻮﻡ ﺍﻟﺠﻤﻌﺔ ﻳﻘﻮﻟﻮﺍ
ﻟﻴﻚ ﺍﻟﻬﺪﻑ ﺍﻟﺬﻱ ﺳﺠﻞ ﻓﻲ ﺍﻟﻤﺮﻳﺦ ﻏﻴﺮ
ﺻﺤﻴﺢ.
·ﺍﺗﺤﺎﺩ ﻣﻤﻠﻮﻙ ﻟﻠﻤﺮﻳﺦ ..ﻣﻌﺘﺼﻢ ﺟﻌﻔﺮ
ﻭﺃﺳﺎﻣﺔ ﻋﻄﺎ ﺍﻟﻤﻨﺎﻥ ﻭﺣﺘﻰ ﻣﺠﺪﻱ
ﺷﻤﺲ ﺍﻟﺪﻳﻦ ﺷﻐﺎﻟﻴﻦ ﻟﻠﻤﺮﻳﺦ ﺯﻱ
ﺻﺪﻳﻖ ﻋﻠﻲ ﺻﺎﻟﺢ ﻭﻋﺎﺩﻝ ﺃﺑﻮ ﺟﺮﻳﺸﺔ.
·ﺃﻱ ﺣﺎﺟﺔ ﻓﻲ ﻣﺤﻠﻬﺎ ﻋﺸﺎﻥ ﺍﻟﻤﺮﻳﺦ
ﻳﻔﻮﺯ ﺑﺎﻟﻤﻤﺘﺎﺯ.
·ﺍﻟﻤﺮﻳﺨﺎﺏ ﻭﻏﺎﺭﺯﻳﺘﻮ ﺑﺎﺳﻤﻪ ﺍﻟﻜﺒﻴﺮ
ﻭﺧﺒﺮﺍﺗﻪ ﺍﻟﺴﺎﺑﻘﺔ ﻓﻲ ﺍﻟﺴﻮﺩﺍﻥ ﻣﻊ
ﺍﻟﻬﻼﻝ ﻓﻲ ﻇﻞ ﺗﻐﻴﻴﺮ ﻓﻨﻲ ﻣﺴﺘﻤﺮ ﻓﻲ
ﺍﻟﻬﻼﻝ ﻭﻣﺠﻠﺲ ﺇﺩﺍﺭﺓ ﺟﺪﻳﺪﺓ ﻗﺼﺎﺩ
)13 ( ﺳﻨﺔ ﻟﺠﻤﺎﻝ ﺍﻟﻮﺍﻟﻲ ﻓﻲ ﺍﻟﻤﺮﻳﺦ.
·ﻋﺎﺭﻑ ﻓﻴﻬﺎ ﻛﻞ ﺍﻟﺪﺭﻭﺏ ..ﻭﺧﺎﺑﺮ ﻛﻞ
ﺷﻲﺀ.
·ﻓﻲ ﻇﻞ ﻫﺬﻩ ﺍﻟﻤﻌﻄﻴﺎﺕ ﻟﻢ ﻳﺘﺨﻴﻞ ﺃﻱ
ﻣﺮﻳﺨﺎﺑﻲ ﺃﻥ ﻳﻔﻮﺯ ﺍﻟﻬﻼﻝ ﺑﺎﻟﻤﻤﺘﺎﺯ ﻭﺃﻥ
ﻳﺼﺒﺢ ﺍﻟﻔﺎﺭﻕ )6 ( ﻧﻘﺎﻁ.
·ﺍﻟﻔﺎﺭﻕ 6 ﻧﻘﺎﻁ ﻭﺍﻟﻬﻼﻝ ﺑﻴﻠﻌﺐ ﺑﻲ
ﺻﻬﻴﺐ ﺍﻟﺜﻌﻠﺐ ﻭﻋﻤﺎﺩ ﺍﻟﺼﻴﻨﻲ ﻭﻭﻟﻴﺪ
ﺍﻟﺸﻌﻠﺔ.
·ﻓﻀﻴﺤﺔ ﺍﻟﺴﻮﺍﺩ.
·ﺍﻟﻔﺎﺭﻕ 6 ﻧﻘﺎﻁ ﺭﻏﻢ ﺍﻹﺻﺎﺑﺎﺕ ﺍﻟﺘﻰ
ﺣﺮﻣﺖ ﺍﻟﻬﻼﻝ ﻣﻦ ﻣﺤﻤﺪ ﻋﺒﺪﺍﻟﺮﺣﻤﻦ
ﻭﻋﺒﺪ ﺍﻟﻠﻄﻴﻒ ﺑﻮﻳﺎ ﻭﻓﺪﺍﺳﻲ ﻷﻛﺜﺮ ﻣﻦ
ﺧﻤﺴﺔ ﺷﻬﻮﺭ.
·ﺍﻟﻔﺎﺭﻕ )6 ( ﻧﻘﺎﻁ ..ﻭﺍﻟﻤﺮﻳﺨﺎﺏ ﺑﺘﺤﺪﺛﻮﺍ
ﻋﻦ ﺍﻟﺴﺎﺣﺮ )ﺍﻛﺮﺍ ( ﻭﺍﻟﻔﻠﺘﺔ )ﻛﻮﻓﻲ (
ﻭﺍﻟﻌﻘﺮﺏ )ﺑﻜﺮﻱ ﺍﻟﻤﺪﻳﻨﺔ (.
6· ﻧﻘﺎﻁ ﻭﺃﺳﺎﻣﺔ ﻋﻄﺎ ﺍﻟﻤﻨﺎﻥ.
6· ﻧﻘﺎﻁ ﻭﻣﻌﺘﺼﻢ ﺟﻌﻔﺮ.
·ﻟﺬﻟﻚ ﻛﺎﻥ ﻣﺠﻠﺲ ﺍﻟﻤﺮﻳﺦ ﻭﺇﻋﻼﻣﻪ ﻓﻲ
ﻇﻞ ﻫﺬﻩ ﺍﻟﻤﻌﻄﻴﺎﺕ ﻻ ﺑﺪ ﺃﻥ ﻳﺸﻮﻑ ﻟﻴﻪ
)ﻃﺮﻳﻘﺔ ( ﻳﺴﺪ ﺑﻴﻬﺎ ﻫﺬﻩ ﺍﻟﻔﺠﻮﺓ.
·ﺍﻟﻨﺎﺱ ﺩﻳﻞ ﻓﻲ )ﺻﺪﻣﺔ ( ﻋﺪﻳﻞ ﻛﺪﺍ.
·ﺍﻟﻨﺎﺱ ﺩﻳﻞ ﻣﺎ ﻭﺍﻋﻴﻴﻦ ﻭﻣﺎ ﻣﺘﺨﻴﻠﻴﻦ
..ﺑﻌﺪ ﻛﻞ ﻫﺬﻩ ﺍﻷﺷﻴﺎﺀ ﺍﻟﻬﻼﻝ ﻳﺘﺼﺪﺭ
ﺍﻟﻤﻤﺘﺎﺯ ﺑﻔﺎﺭﻕ )6 ( ﻧﻘﺎﻁ.
·ﺍﺗﻬﺠﻤﻮﺍ.
·ﻋﺸﺎﻥ ﻛﺪﺍ ﺣﺎﻭﻟﻮﺍ ﻳﺨﺒﻄﻮﺍ ﻓﻲ
)ﺍﻟﺘﺤﻜﻴﻢ (.
·ﺣﺎﻭﻟﻮﺍ ﻳﻈﻬﺮﻭﺍ ﻟﻴﻚ ﺃﻥ ﻫﺬﺍ ﺍﻟﻔﺎﺭﻕ
ﺃﺣﺪﺛﻪ ﺍﻟﺤﻜﺎﻡ ..ﻫﺮﺷﻮﺍ ﻟﻴﻚ ﺭﺿﺎ
ﺍﻋﺘﺬﺍﺭﺍﺕ ﻭﺟﺎﺑﻮﺍ ﻟﻴﻚ ﻓﻴﺼﻞ ﺳﻴﺤﺔ.
·ﻓﻴﺼﻞ ﺳﻴﺤﺔ ﺑﻘﻰ ﻟﻮ ﻻﻗﺘﻮ ﻟﻴﻚ ﻓﻲ
ﺍﻟﺸﺎﺭﻉ )ﻛﺪﻳﺴﺔ (..ﻳﻘﻮﻝ ﻟﻴﻚ ﺿﺮﺑﺔ ﺟﺰﺍﺀ
ﻟﻠﻤﺮﻳﺦ.
·ﻣﻮﺿﻮﻉ )ﺍﻟﺘﺤﻜﻴﻢ ( ﺑﺮﺍﻫﻮ ﻟﻢ ﻳﻨﺠﺢ ﻓﻲ
ﺍﻣﺘﺼﺎﺹ ﺍﻟﺼﺪﻣﺔ..ﺍﺗﺠﻬﻮﺍ ﻟﻴﻚ ﻧﺤﻮ
)ﺍﻟﺸﻜﺎﻭﻱ ( ﻋﺸﺎﻥ ﺷﻮﻳﺔ ﻛﺪﺍ ﻳﺼﺒﺮﻭﺍ ﻟﻴﻚ
ﺍﻟﺠﻤﻬﻮﺭ.
·ﺍﻟﻌﻤﻠﻴﺔ ﻛﻠﻬﺎ ﺧﺪﺍﻉ ﻓﻲ ﺧﺪﺍﻉ ﻓﻲ ﺧﺪﺍﻉ.
·ﺍﻟﻤﺮﻳﺦ ﺍﻵﻥ ﺍﻧﻜﺸﻒ ...ﻭﺇﺫﺍ ﻭﺍﺟﻪ
ﺍﻟﻬﻼﻝ ﺍﻟﻤﺮﻳﺦ ﺃﻓﺮﻳﻘﻴﺎً ﺳﻮﻑ ﻳﻨﻜﺸﻒ
ﺍﻟﻤﺮﻳﺦ ﺃﻛﺜﺮ ﻭﺡ ﻳﺒﻴﻦ ﻋﻠﻰ ﺣﻘﻴﻘﺘﻪ ﻣﺜﻠﻤﺎ
ﻇﻬﺮ )ﻣﺤﻠﻴﺎً (.
·ﺍﻟﻬﻼﻝ ﺍﻟﺬﻱ ﺟﺪﺩ ﻓﺮﻳﻘﻪ ...ﺑﻤﺠﻠﺲ
ﺇﺩﺍﺭﺓ ﺟﺪﻳﺪ ﻭﺟﻬﺎﺯ ﻓﻨﻲ ﺟﺪﻳﺪ ..ﻳﺒﻘﻰ
ﺍﻟﻔﺎﺭﻕ ﺑﻴﻨﻮ ﻭﺑﻴﻦ ﺍﻟﻤﺮﻳﺦ )6 ( ﻧﻘﺎﻁ ﻣﺎﺫﺍ
ﺳﻮﻑ ﻳﺤﺪﺙ ﺍﻟﻤﻮﺳﻢ ﺍﻟﻘﺎﺩﻡ ﻭﺍﻟﻬﻼﻝ ﺇﻥ
ﺷﺎﺀ ﺍﻟﻠﻪ ﻳﻜﻮﻥ ﻓﻴﻪ ﻭﻻﺀ ﺍﻟﺪﻳﻦ.
·ﻭﺍﻟﺸﻌﻠﺔ.
·ﻭﺍﻟﺜﻌﻠﺐ.
·ﻭﻛﺎﺭﻳﻜﺎ ﻭﺑﺸﻪ ﻭﻧﺰﺍﺭ ﺣﺎﻣﺪ ﻭﻣﺴﺎﻭﻱ.
·ﻭﻣﻨﻮ ﺗﺎﻧﻲ؟.
·ﻣﺎ ﻋﺎﻭﺯ ﺃﻗﻮﻝ ﺍﺳﻤﻮ ..ﻋﺸﺎﻥ ﻣﺎ ﺗﻔﻘﺪﻭﺍ
ﺳﻮﺍﺋﻞ ﻳﺎ ﻧﺎﺱ ﺍﻟﻤﺮﻳﺦ.
·ﺍﻟﻤﺮﻳﺨﺎﺏ ﺩﺧﻠﻮ ﻓﻲ ﺣﺎﻟﺔ ﺻﻌﺒﺔ ..ﻧﺤﻦ
ﻧﻘﺪﺭ ﺫﻟﻚ ..ﻭﻧﻌﺮﻑ ﺃﻥ ﻓﺎﺭﻕ ﺍﻟﺴﺖ
ﻧﻘﺎﻁ ﻓﻲ ﻇﻞ ﺍﻟﺘﺤﺪﻳﺜﺎﺕ ﺍﻟﺘﻰ ﺣﺪﺛﺖ ﻓﻲ
ﺍﻟﻬﻼﻝ ﺻﻌﺒﺔ.
·ﻗﺎﻟﻮﺍ ﺑﻠﻌﺒﻮﺍ ﻛﻮﺭﺓ ﺑﺮﺷﻠﻮﻧﺔ ..ﻭﺍﻟﻔﺎﺭﻕ 6
ﻧﻘﺎﻁ.
·ﺇﺫﺍ ﻛﻨﺘﻮﺍ ﺑﺘﻠﻌﺒﻮﺍ ﻛﻮﺭﺓ ﺑﺮﺷﻠﻮﻧﺔ ﻭﺍﻟﻔﺎﺭﻕ
)6 ( ﻧﻘﺎﻁ ...ﺍﻟﻬﻼﻝ ﺑﻜﻮﻥ ﺑﻠﻌﺐ ﻛﻮﺭﺓ
ﺷﻨﻮ؟.
·ﺳﻴﻜﺎﻓﺎ ﻋﻤﺮﻫﺎ ﻣﺎ ﺑﺘﻘﺪﻡ ﻟﻴﻬﺎ ﺯﻭﻝ ﻟﻲ
ﻗﺪﺍﻡ.
·ﻋﻤﺮﻫﺎ ﻣﺎ ﺑﺘﻌﻤﻞ ﻟﻴﻬﺎ ﻓﺎﺋﺪﺓ.
·ﻭﺃﻥ ﺗﺄﻫﻞ ﺍﻟﻤﺮﻳﺦ ﻟﻠﻤﺮﺑﻊ ﺍﻟﺬﻫﺒﻲ ﻓﻲ
ﺑﻄﻮﻟﺔ ﺍﻷﻧﺪﻳﺔ ﺍﻷﻓﺮﻳﻘﻴﺔ ..ﺑﺮﺿﻮ ﻳﻈﻞ
ﺍﻟﻔﺎﺭﻕ )6 ( ﻧﻘﺎﻁ.
...........·
·ﻣﻠﺤﻮﻇﺔ : ﻭﻟﺴﻪ.
ﻫﻮﺍﻣﺶ
·ﻃﺎﺭﻕ ﺍﻟﻌﻮﺽ ﺑﺼﻮﺗﻪ )ﺍﻟﺬﻫﺒﻲ ( ﻛﻴﻒ
ﻫﺎﻥ ﻟﻪ ﺃﻥ ﻳﻌﺘﺰﻝ ﺍﻟﻐﻨﺎﺀ ...ﻟﻴﺘﺮﻙ ﺃﻭﺗﺎﺭ
ﺍﻟﻄﻨﺒﻮﺭ ﺑﺪﻭﻥ ﻧﻐﻢ.
·ﺍﻟﻤﺸﻜﻠﺔ ﻣﺎ ﻓﻲ )ﺍﻟﻄﻨﺒﻮﺭ ( ﺑﺮﺍﻫﻮ.
·ﺍﻟﻤﺸﻜﻠﺔ ﻓﻲ )ﺍﻟﻨﺨﻴﻞ ( ﺍﻟﺬﻱ ﺗﻌﻮﺩ ﻋﻠﻰ
ﺃﻥ ﻳﺨﻀﺮ ﻭﻳﺜﻤﺮ ﺑﺠﻤﺎﻝ ﺻﻮﺗﻚ.
·ﺻﺪﻳﻖ ﺃﺣﻤﺪ ﻳﻌﺘﺒﺮ ﺃﻥ ﺃﺟﻤﻞ ﺻﻮﺕ
)ﻃﻨﺒﻮﺭﻱ ( ﻫﻮ ﺻﻮﺕ ﻃﺎﺭﻕ ﺍﻟﻌﻮﺽ.
·ﺻﻮﺕ ﻃﺎﺭﻕ – ﻣﺎ ﺻﻮﺗﻮ..ﺻﻮﺕ
ﺍﻟﻄﻨﺒﻮﺭ.
·ﻧﺴﻤﺎﺕ ﺍﻟﺸﻤﺎﻝ ﻗﺎﺩﺭﺓ ﻋﻠﻰ ﺃﻥ ﺗﻌﻴﺪ
ﻃﺎﺭﻕ ﺍﻟﻌﻮﺽ ..ﻭﺗﺮﺟﻌﻪ ﻣﻦ ﺫﻟﻚ
ﺍﻟﻘﺮﺍﺭ ﺍﻟﺼﻌﺐ.
·ﻭﻧﻌﻮﺩ ﻟﻠﻤﻮﺿﻮﻉ ﺗﺎﻧﻲ.
·ﺑﻨﻘﻴﻒ ﻫﻨﺎ.
·ﻭﻧﺮﺟﻊ ﻟﻲ ﻃﺎﺭﻕ ﺍﻟﻌﻮﺽ ..ﻟﻮ ﻣﺎ ﻋﺎﻭﺯ
ﻳﺮﺟﻊ ﻟﻴﻨﺎ.
..............·
·ﻋﺎﺟﻞ : ﻗﺎﻟﻮﺍ ﻟﻴﻚ ﺍﻟﻤﺮﻳﺨﺎﺏ ﻭﻗﺖ ﻣﺎ
ﻟﻘﻮﺍ ﻟﻴﻬﻢ ﺷﻲﺀ ﻳﺸﺘﻜﻮﺍ ﻓﻴﻬﺎ ﻫﻼﻝ
ﺍﻷﺑﻴﺾ ﻗﺎﻟﻮﺍ ﺇﻟّﺎ )ﺗﺄﺟﻠﻮ ( ﻟﻴﻨﺎ...ﻳﻜﻮﻧﻮﺍ
ﺑﻔﺘﺸﻮﺍ ﻟﻴﻬﻢ ﻓﻲ )ﺷﻜﻮﻯ (.

الموضوع الأصلي : أعمدة الأربعاء 9 سبتمبر 2015 م // المصدر : منتديات أحلى حكاية // الكاتب: عثمان حسن

**عثمان حسن** · الأربعاء 09 سبتمبر 2015, 7:24 pm

أعمدة الأربعاء 9 سبتمبر 2015 م

لقاء البهلوان مهاجم الهلال (كيبى) نحلم بالاكثر قيمه من نصف نهائى الابطال
لانهتــــــــم بالمريخ او الغربان وسموحه صفحة يجب ان تطوى بنجاح♡
=================================
التقته الجوهره بعروس المتوسط
مقتطفات من اللقاء
اكد المهاجم كيبى انهم يدخرون الكثير من التركيز للتحدى الزى ينطلق نهار السبت المقبل موضحا ان الانتصار هو الخيار الوحيد لهم وقال ان الهلال حسم لقب النسخه الحاليه من دورى سودانى الممتاز استنادا على الفارق الذى يفصلهم عن المريخ اقرب مطارديهم وزكر انه فى قمة الجاهزيه لقيادة انياب الفريق بالسبت وقال لانهتــــــــم بالمريخ او الغربان وسموحه صفحة يجب ان تطوى بنجاح ووصف بان الاصابات التى تعرض لها فى المباريات شئ عادى بالرغم من قساوة الابتعاد عن اللعب وليست هنالك مشكله مادام الفريق يكون منتصرا ويحصل على مايريد
وواضح انه جاهذا لمعركة السبت بالرغم من التنافس الشرس بين اعضاء هجوم الازرق بقيادة كاريكا صلاح الجزولى محمد عبد الرحمن الا انه يرغب فى المشاركه وقال انه وجد كل التعاون فى التعامل منذ ان وطأت قدماه ارض السودان والجميع فى النادى يتعاملون مع المحترفين بالكثير من الاحترام واثنى على جمهور نادى الهلال لافتا الى ان الانصار ظلو على الدوام يقدمون الدعم اللازم للازرق فى كافة المواعيد وظلو يراسلوننى من الدوحه والسعوديه وشجعونى انا اعدهم ببزل الجهد خلال الفتره المقبله بالكيفيه التى تسهم فى الدفع بعجلة الازرق

الموضوع الأصلي : أعمدة الأربعاء 9 سبتمبر 2015 م // المصدر : منتديات أحلى حكاية // الكاتب: عثمان حسن

**عثمان حسن** · الأربعاء 09 سبتمبر 2015, 10:28 pm

أعمدة الأربعاء 9 سبتمبر 2015 م

شريان رياضي| الرشيد علي عمر
°°°°°°°°°°°°°°°°°°°°°°°°°°°°°°
اتحاد الكرة بقى يتكلم قانون .... انتهى عهد العنتريات يا وصيفاب ... وناس اسكندرية قربوا يصوموا مجددا رمضان ...عظمة يا هلال ... !
°°°°°°°°°°°°°°°°°°°°°°°°°°°°°°°
• خسر الاولمبي وكسب الهلال ...
• خسر الاولمبي امام الكنغو بينما كسب الهلال نجم المستقبل القادم بفضل حنكة وشطارة وشفتنة رئيسه اشرف الكاردينال ..
• اجمل ما في اشرف انه يتعايش ونبض الجماهير لحظة بلحظة ..
• والاروع عند اشرف انه لا يحوج هلالابي بان يتمنى امامه بامنية وقبل اكمالها يكون نتاجها حاضرا ..
• اشرف وئد الامنيات قبل استفحالها وهو يلبي الرغبات فورا وبلا ابطاء ..
• كردنه في الهلال بات مثل مصباح علاء الدين السحري .. تمسحه يجيك الجان ناطي .. قبل ما تتم الامنية تووووفك تلقاها قدامك .. بسم الله ما شاء الله امسكوا الخشب يا هلالاب ..
• ولاء الدين لا والي الدين وكما يريده عشاق الغالي الراحل..
• نحبذ ان يكون عندنا ولاء الدين .. ليمنح الفرصة باضفاء بصمته الخاصة .. والولاء للدين اسمى المعاني .. وهكذا نستطيع ان نحتفظ ايضا بصنيع الراحل الغالي والي الدين في مكانه ..
• ولينال الهلال شرف ان تلعب فيه موهبتين في جيلين مختلفين .. والي وولاء ..
• ولاء نجم بسم الله ما شاء الله يمتلك امكانات طيبة قدمته لكشوفات الهلال ..
• وبالامس كان نجم مباراة الاولمبي وهي يقدم لسمات الحنان الجنان الماركة الزرقاء الحصرية على الاسياد ويحرز هدف دل على موهبته الغير ..
• ولاء بحاور في فنجان ..
• وولاء سريع نهمة نحو الشباك ..
• وحريف لمن غلط ..
• ولاء حقيقة في زمن نضب المواهب ... استثناء ..
• اعلم تماما .. وادرك جيدا .. وعااااارف مبلغ سطوري السابقه على اصحابنا المريخاب ..وصايفة الارسنال ... هيييييييع امانا يا اهلي ما اديناك ضلنا وصيف .. اها قصرنا معاك .. ؟
• سطور زي دي بتقوم القولون الانتيكاري على سلك فيقيف قدام المرايا ويحفر راسه المصلع بالخلال ..
• سطور قاسية في حق من تعشم وراح يوزع لجمال في الصور على الاسفير مصحوبا بامنيات سراب ..
• بعد كدا جمال غير الصور في موقع الاحداث ما عنده حاجة ..
• شوفوا ليه مصور بارع يلازمه فانها ابلغ عطاياه لكم ..
• زمن كردنه قلنا لا وجود لحاجة اسمها جمال ..
• عهد كردنه الشغل كله حصري على الهلال ..
• كاش بقلل النقاش وفهم يقنع عصاة الادمغة ..
• وعصفورة الاسياد كانت حاضرة لقاء الفريق المدهش واسرة النادي وتابعت حتى من كان يراسل الجماعة بالواتس اب من داخل الاجتماع ..
• وعندما بات الامر نحو خواتيمه يقال بان جمال اتصل برئيس النادي وراح يسرد ما قدمه لاهلي مدني من عطايا سابقه وكيف انهم طلبوا اللاعب قبل يومين ..
• وكان رد الرئيس قويا ان المريخ تكلم من بعيد .. وان الهلال تكلم وحضر .. وجاب قروشه كاش .. والعهدة على الراوي ان جمال قفل التلفون زعلان ..
• وطبعا زعلة جمال ممكن تطلع منها فكرة شيطانية على طريقة التلاعب بعقل اللاعب وكما بكري ...
• على الهلال تأمين مكتسبه جيدا .. وما عايزين بكري جديد يا سيادة الامين عام مستر عماد ...
• والافضل للمريخاب الا يفكر جهرا في اي لاعب ... عايزين يسجلوه يشتغلوا غميتي ..سربوا اي معلومة طوالي بجيبو من جوه الجك ..
• لقد نادينا اشرف بضرورة العمل على مساعدة الهلب حتى يعود اسدا هصورا للممتاز ..
• ولم نقل ذلك اعتباطا ولكن لحاجة الهلال في مستقبل ايامه القادمة الى ند حقيقي مش نمر من ورق تقوده شلة اعلام قابعة في متون ضلال ..
• الهلال يحتاج الى ند يتقوى به ..
• المريخ ما عاد يناسب هذا الدور وهذه دعوة للاندية جمعاء ان تتسابق لتلبية رغبة الهلال والاجتهاد بحجز مقعد الندية وسد الفجوة حتى لا تنهار المنافسة الام ..
• تسيد الهلال على الممتاز بفارق كبير ليس في مصلحة المنافسة ..
• او على اتحاد الكرة ان يستوعب فكرة هلالين في الممتاز من بطن الاسياد ..
• اي نسجل الرديف على انه الهلال (ب) ويصبح معتمدا كناد منافس ..
• هنا اضمن لكم منافسة شرسة وصعبة وحامية بين الهلال ورديفه على الظفر بالبطولة ..
• اي نهائي في منافسة داخلية سيكون طرفها هلال ون وتو ..
• وفارق شاسع ما بينهما والوصيف البجي بعدهما ..
• لتتأكد مقولة البابا الراحل الطيب عبد الله عندما قال لا ينافس الهلال الا الهلال ..
• كم رائع هذا الزعيم الخالد في قلوب العشاق واذكر انه قال لي يومها انه عندما يدخل مباراة للهلال لا يرى الا لاعبيه فقط ..
• نعم قال البابا انه لا يضيع اي وقت في النظر للاعبي الخصوم بل يركز كل جهده في متابعة لاعبي الهلال لانهم يمنحونه المتعة النقاء ..
• هكذا الهلال عبر كل الاجيال يصبح هو الاصل وما دونه الفرع ..
• والسنوات القادمة اذا حفظنا الله من كل شر فاننا سنعيش هلال بنكهة غير في كل شىء باذن الله ..
• وفي نفس الوقت سنستمتع بجرسة حمراء ما انزل الله بها من سلطان ..
• وكما جرسة اليوم التي دخلت في اخطر المنعطفات والاعلام الاحمر يحرض الجماهير علانية للفتك باتحاد الكرة واعضاء اللجنة المنظمة او اشعالها كوارثا لا تفقه كنه الاطفاء ..
• وكما حرب اللافتات التي افضت بهم الى الحراسات ...
• كلام خطير وغير مسؤول ..
• كلام فتنة صريحه تنبأنا بها كثيرا وحذرنا منها مرارا ان الصحافة ليست سلاحا لاندلاع ما يؤرق مضاجع الامن في المجتمع ..
• المناداة بالتحريض وبهذه الطريقة دعوة الى الحرب الصريحة وهنا يستوجب تدخل السلطات لردع المنادين بهذه الحرب التي ستقضي على اخضر ويابس الرياضة ..
• لم يحدث في تاريخ الصحافة ان تجرأت صحيفة بالتحريض العلني واشعال جذوة الجماهير واستغلال غضبها العارم لاجل ممارسة الدمار وكما في عهد الاعلام الاحمر الان ..
• الاعلام الاحمر لاننا غدا سنطالع من يسعى لادانة الاعلام الازرق بحثا عن الموازنة في اصدار العقوبات ..
• الايادي المريخية في المواقع المتنفذة تبحث دائما عن ما يدين الاعلام الهلالي لايجاد مبررات توازن ما يقوم به اعلام المريخ من تجاوزات ..
• والجمد لله ان الصحف الهلالية جميعها ليس بينها من يشتط في التعبير للدرجة التي يحرضون فيها الجماهير بممارسة الفتك العلني ..
• وحرب اللافتات التي ابتدعها المريخاب على سور اكاديمية الكرة تضاف الى سجلهم الزاخر بالتجاوزات وانهم يتبنون دائما مختلف اشكال الشغب ..
• وحسنا فعلت الشرطة وهي تحبسهم حتى اتاهم الفرج من قياداتهم ..خاص حماة الهلال
• نعم انه مجرد وقوف ولكنه يدعو الى اثارة شغب وما كتب في اللافتات يستوجب العقاب ..
• الغريبة ان مزمز وسلك في نص المجموعة الغاضبة ..
• ويضحكا ..
• فرحانين اوي عشان مرقتو الغضب الشارع ايها الاساتذة الاجلاء ..؟
• عندما ذهبت كتيبة غاضبة الى مجلس الصحافة والمطبوعات واساءت لعلي شمو فان الاعلام الهلالي استنكر الواقعة وردع المنفلتين ولم يجاريهم .. بينما يقوم اعلام المريخ بتحريض الجماهير ولا يكتفي بذلك بل يذهب معهم لالتقاط الصور التذكارية ..
• عظمة يا هلال انت واعلامك ..! ابقوا معي ... !

و ... للشريان ختام ... !
• لاعب كبير الامكانات نعرف ان المريخ يسعى خلفه ونتمنى ان يتحرك نحوه الهلال بكل جدية والان .. لنخبتهم الخبته التانية قبل ان يفيقوا من خبتة ولاء الدين ..
• مجدي قال ليهم في المؤتمر الصحفي اديكم النقاط بدون مستندات .. لو عندكم مستندات هاتوها نديكم النقاط ....ما فاضل الا يقول ليهم دخلوني بدل بكري اجيب ليكم اقوان .. هههههه ...
• طبعا ناس متوكل بكونوا واقفين مكفكفين ايديهم شغل عنتريات وكدا ... هههههه دا كان زمان انه صوت القانون الما سمعتوه قبل كدا يا ولاد ...
• وزكي عباس صنديد من يومه قال ليهم حكام الخرطوم ح يحكموا مبارياتكم والما عاجبو يشرب من البحر .. انتهى عهد المسخرة يا مريخاب ..
• الشاف ناس مزمز وسلك ومتوكل شايلين جرادل ويغرفوا موية البحر ما كضب ... الله اكبر انه عهد كلمة القانون ..
• اين اسامه عطا المنان وما هو موقفه مما يجري من احداث ...؟
• الجميع انتفض من اجل القانون فماذا هو فاعل ...؟
• مسلسل الاساءة للصحافيين الفه صحافي فاشل نعرفه بالاسم وشتم عبره الصحافيين بصورة مقززة ..
• لا يعرف المرتشي الا مرتشي زيه هكذا يقول المثل وسط اهل الاقلام ..
• الاساءة للصحافيين ليست اغنية هايفة لود الامين يا شليق المحطات المهنية الفاشلة ..
• دكتور تيتاوي استمات واوقف عرضه تلفزيونيا فذهب بمسلسله القبيح الى الدار التي اصبحت هايفه وهي الاذاعة فاذاعته ..
• وهل نسي الشليق تسوله في صحفنا لاجل نشر خبر مفخخ وما اكثر اخباره من هذه الشاكلة ...
• الخبر المفخخ هو الذي ينتوي القلم من خلفه المقابل .. للعلم وكدا ..
• على الاعلام الرياضي متابعة المسلسل ليعرف حجم الاساءة القبيحة التي يوجهها هذا القلم القزم فاقد الوجود في ساحة المهنة ..
• تيتاوي قام بدوره ولقن الشليق الدرس المستفاد وفي حضور عابد سيد .. ولكن ماذا نقول في الاذاعة الوكالة بدون بواب ..؟
• واين رئيس الاتحاد الحالي للصحافيين مما يجري من اساءات ..؟
• الرزيقي دا جابوه للقيام بدور ابو الهول ..؟ حليل تيتاوي والفاتح السيد وبقية المقاتلين الاشداء ..
• الاسكندرية ما فضل ليها الا وتصوم رمضان بسطوع الهلال ..
• والجالية هنا والقيادات الدبلوماسية والاعلامية اعدوا استقبالا غير مسبوق للبعثة في مطار القاهرة ..
• الذ حاجة في ازمة المريخ الا احد شغال بتهديد الانسحاب وكمن الجميع ينتظر القرار ليقولوا لهم .... في ستيييييييييين ..
• كان زمان والله يا جمال ..!
• شطبنا ...!

.....

أعمدة الأربعاء 9 سبتمبر 2015 م 11998920_928424163897401_5039182657722441077_n

الموضوع الأصلي : أعمدة الأربعاء 9 سبتمبر 2015 م // المصدر : منتديات أحلى حكاية // الكاتب: عثمان حسن

**عثمان حسن** · الخميس 10 سبتمبر 2015, 6:43 am

أعمدة الأربعاء 9 سبتمبر 2015 م

لقاء كل يوم الاربعاء 9سبتمبر
رمضان احمد السيد
# ٩ عوامل ترجح كفة الهلال في مواجهة سموحة
# الدافع وخبرة اللاعبين في الابطال والمعنويات عناصر كسب كبيرة
# على طريقة مازيمبي الهلال يخوضها نهائي مبكر
# المطلوب من الكوكي حتى يستفيد من الفرص المتاحة
# الاتحاد يلجأ لتمديد الموسم لإنقاذ المنتخب الوطني
# ٤ مواجهات للمنتخب في أكتوبر ونوفمبر امام يوغندا وزامبيا …
# ٥ مواجهات مرتقبة للقمة هلال مريخ في أقوى الصراعات
# جماهير الهلال سعيدة بصفقة ولاء الدين وتطالب بالمحترفين
# الهلال يحسم اخطر وأقوى الصفقات في سرية كاملة
# لعبة التسجيلات كمين ) مقالب و ( تمووييه ) من الهلال لخصمه المريخ !!!!
# الهلال يركز على سموحة تاركا المريخ خلفه يطارده ويطارد الشكاوى …
# المريخ يزج بالهلال في شكواه ضد اتحاد الكرة ولماذا الماكوك تحديدا !!!
# شكاوى المريخ والضجة تلفت النظر اكثر لهزائم المريخ الأربعة في الممتاز …
# مازدا من جديد ضمن خيارات المنتخب الوطني للمرحلة القادمة ….
---------------------------------------------------------------
# درجة الاهتمام والجاهزية في الهلال للقاء سموحة وصلت مداها بدليل تواجد البعثة الهلالية مبكرا في موقع المواجهة وتكثيف التمارين
والأجمل في الفرقة الهلالية اكتمال الصفوف بانضمام عدد من اللاعبين الذين كانوا يعانون من الإصابة خاصة سيسيه وكيبي ومحمد عبدالرحمن ونيلسون وبالتالي فان هذا سيضاعف من حدة التنافس بين اللاعبين ودخول التشكيلة وسيتيح للمدرب الكوكي خيارات عدة ، وهو موقف جيد عكس ما حدث في المباريات الكثيرة السابقة حيث كان يعاني المدرب كثيرا ، بل لجأ لتوليف بعض اللاعبين في خانات لم يكونوا متعودين عليها…
# واقع الحال يقول بان فرص فوز الهلال وتفوقه في هذه المباريات كبيرة جداً بل ان هناك العديد من العوامل التى تؤكد هذا الاتجاه وتفوق الهلال في مباراة سموحة
وأولها ، طبع عملية الدافع ، فنجده عند الهلال اكبر وبالتالي فانه سيبذل قصارى جهده ويؤدي بصورة أفضل ، طابعها القوة والحماس والهجوم
الامر الثاني ويتعلق بالفوارق الموجودة أساسا بين الفريقين بدليل ان الهلال مع الصدارة وينافس للانفراد بصدارة المجموعة بينما ودع سموحة المنافسة من الدور السابق بل تذيل المجموعة
والأمر الثالث أيضاً يتعلق بالخبرة والمشاركات الافريقية ومستوى اللاعبين والمحترفين فنجد ان كفة الهلال هنا مرجحة بدليل فوزه السهل في لقاء الخرطوم بثنائية ، ويظل هدف نزار حامد الأسطوري عالقا وحاضرا في الأذهان …
والأمر الرابع يتعلق بصدارة الهلال للممتاز وانفراده بفارق ٦ نقاط عن نده المريخ ، واقتراب الهلال تماماً من تحقيق اللقب وترك المريخ يجري خلف الشكاوى…
الامر الخامس يتعلق بمستوى الهلال في مبارياته الاخيرة سواء في الممتاز او كاس السودان او في البطولة الافريقية ، فنجده حقق اروع وأفضل النتائج والانتصارات ، ويبقى لقاء مازيمبي الذي يعتبر نهائي مبكر وبطولة قائمة بذاتها اكبر محفز للاعبي الهلال في هذه المباراة
الامر السادس ان فرص الهلال في التفوق على سموحة عدة من فوز وانتصار ولا نريد ان نقول حتى هزيمة بحكم ان هذا مرتبط بفريقين اخرين وهو هزيمة مازيمبي في عقر داره ، وبالتالي فان الهلال سيضع الهدف الاول الفوز ولاشيء غيره حتى ينال مبتغاه…
الامر السابع ان لاعبي الهلال وخاصة الجيل الحالي بأنها ربما تكون الفرصة التاريخية لهم ليس في مجرد تحقيق الفوز والتأهل على حساب سموحة وإنما أيضاً في تحقيق البطولة واللقب
وأمر ثامن يتعلق بالند التقليدي للهلال بعد تأهله وهو حديث عهد وتجارب بمثل هذه الابطال وهذه المراحل ، فبالتالي فان موقف الهلال سيكون صعبا والصراع والمنافسة الأزلية بين الهلال والمريخ وبالتالي ان هذا في حد ذاته دافع قوي للاعبي الهلال لأسعاد جماهيرهم بالتأهل
والأمر الأخير يتعلق بأجواء المباراة والتى تلعب بدون جماهير فهي بالتالي في صالح الهلال الذي يمكن ان يلعب بدون ضغوط ويحقق مبتغاه
_ وطبعا هناك العديد من العوامل والأسباب المتفرعة مما ذكرناه من دوافع ونتائج واستقرار هلالي ، وتتعلق بالحوافز المرصودة للاعبين
والمتعلقة أيضاً ببعض اللاعبين وتألقهم، وتطلعه، لجوائز الكاف وعلى راس هؤلاء الحارس ماكسيم الذي هو مربط الفرس في هذه المباراة ويعول عليه الفريق وجمهور الهلال والجهاز الفني والإداري في الحفاظ على شباكه نظيفة …
وحتى بالنسبة للمدرب كما ذكرنا من قبل ونكرر الان ان هذه البطولة مهمة له في مشواره وبالتالي حرصه على فوز الهلال وتقديم كل ما عنده يصب في هذا الاتجاه …
# وطبعا لكيما يستفيد الهلال من كل هذه العوامل ويترجمها لنتيجة ..
فلابد من اعتبار هذه المباراة نهائي مبكر ان الفوز بها معناه تحقيق اللقب وهو ما فعله الهلال امام مازيمبي فكان التحدي كبيرا ، خاصة وان للفوز يومها كان اكثر من طعم بحكم التفاف المريخاب خلف مازيمبي ومساندته لقهر الهلال ، فكان الفشل السريع ، ونفس الامر اليوم والمريخاب لا حديث لهم سوى عن سموحة وتعطيل الهلال ، لان المريخاب يدركون ان فوز الهلال معناه صدارة المجموعة ، ومعناه مواجهة المريخ ، ومعناه ان المريخ سيواجه فريقا صعبا وصاحب خبرة وتجارب ونجاحات في هذه البطولة…
# والمطلوب من الكوكي اللعب من اجل النصر ولا شيء غير النصر ، وهذا ليس معناه إهمال الدفاع ، بالتوازن مطلوب خاصة حمى البدايات تأمين الدفاع ومحاولة خطف هدف ، وعدم الاعتماد على نتيجة ضعيفة او صغيره او فوز بسيط لابد من توسيع الفارق، فوز بأكثر من هدف حتى لا تحدث النشلات وكذا الضغوط على الفريق …
وبنفس المنطق لا قدر الله لو وصل سموحة لشباكنا فهذا ليس معناه نهاية المباراة والوداع وإنما المطلوب القتال والاستماتة وتكثيف الهجمات حتى التعديل والفوز …
وأمر مهم أيضاً ويتعلق بالتكتل الذي يمكن ان يتبعه سموحة تحت اي ظرف من الظروف ، فالمطلوب تنويع اللعب واستغلال كل الوسائل. الطرق من فك التكتل ، سواء عن طريق الأطراف او العمق او التهديف او الاختراق او الكرات المباشرة …
وطبعا الأخطاء غير واردة وغير مطلوبة وغير مبررة بالمرة
___________
تواصل
_________
# جماهير الهلال وخاصة مهيرات الهلال وفي رسالة من هديل كمال يوسف … يطالبون من اعلام الهلال بالتركيز في المرحلة القادمة على الهلال ولقاء سموحة وترك المريخ وأحداثه ومشاكله جانبا لانها لا تعني الهلال في شيء
وواضح بعد الدخول فعلا في احداث واهتمامات لقاء سموحة ان التناول لقضايا المريخ برغم انها مرتبطة بالهلال وصدارة الممتاز الا ان التناول قل ، خاصة بعد ان أمن الهلال موقفه وبالامس انا قلت ان الهلال ذهب للقاهرة وترك احداث اللجنة المنظمة بعد حسم شكاوى المريخ خلفه….
# ورسالة من عاشق الهلال بكري فقيري ، تتحدث عن التسجيلات وركز على البطولات الافريقية الحالية وضرورة مراقبتها من قبل فنيين وكسب أميز المحترفين ورسالته أوصلناها عبر هذه السطور للكاردينال واللجنة الفنية..
_ ومحمد عكام يركز على دورة الألعاب الافريقية وصغار الكونغو خاصة الأطراف ولاعب الوسط صانع الألعاب …
_ وحسن عيد يتحدث عن المحترفين ويقول يكونوا مميزين وفي حدود لاعب او اثنين
# والعديد من الرسائل سعيدة بالحركة النشطة والمذكرة لمجلس الهلال في التسجيلات وحسم موضوع اللاعب ولاء الدين لاعب أهلي مدني ، ويطالب بان يتبع السرية في تسجيلاته ، ونحب ان نطمئنه هذا ما يقوم به الان حيث انتهى من صفقتين خطرتين ستحدثان دوي هائل في الساحة ، مع العلم هناك تحركات وتمويهات وأخبار عن صفقات مضروبة، وكله حتى يصل الهلال لمبتغاه ويسجل اللاعبين الذين يؤيدهم سواء محليين او محترفين
وأكثر ما يطمئن في تسجيلات الهلال ونجومه صغر السن وروح الشباب والحيوية والموهبة والتعليم …
# وليد سلطان يطالب بالمحافظة على الكوكي مهما كانت النتائج
___________
لحن الختام
___________
# حسنا والاتحاد العام في اجتماعه بالأمس يفتح ملف الفريق القومي، ونراه ركز على حكاية الدعم في حين ان مازدا في اخر تصريحاته يقول بان الدعم وحده وحتى لو توفر في ظل عدم وجود برنامج أعداد او الالتزام بما يقدم من برنامج فانه لا يمكن ان نحقق شيئا ، لذلك اعتقد ان الاتحاد كان صائبا في اجتماعه وهو يفوض رئيسه لبحث الامر من ناحية المدرب ، إقناع مازدا بالمواصلة خاصه وان عقده أساسا انتهى من اغسطس الماضي او البحث عن مدرب جديد، والأمر الثاني يتعلق بتمديد الموسم لإيجاد فرصة لإعداد المنتخب من تمارين ومعسكر، حتى يكون جاهزا لبطولة المحليين اولا عندما يواجه يوغندا رايح جاي في أكتوبر القادم ، الذهاب اولا في كمبالا ١٦ أكتوبر والإياب بالخرطوم بعد أسبوع منه ٢٣ أكتوبر
وكذلك تصفيات كاس العالم حيث نواجه زامبيا في نوفمبر رايح جاي ، الذهاب هذه المرة بارضنا ٩ نوفمبر والإياب في زامبيا أيضاً بعد أسبوع ١٧ نوفمبر…
هذا على المستوى القريب ، اما على مستوى التصفيات الافريقية للأمم ٢٠١٧ بالجابون فالجولة القادمة في مارس.
# اخيراً وبعد ان بح حلقنا وجفت أقلامنا فطن اتحاد الكرة لحكاية مباراة السوبر بين بطل الدوري وبطل الكأس والتى تلعبها العديد من الدول مع بدايات الموسم الجديد …
هذه المباراة ربما تتيح لقاءات قمة اكثر من خلال الموسم بحكم صراع الهلال والمريخ في الممتاز وكأس السودان وفي هذا الموسم وكما هو متوقع البطولة الافريقية..لذلك نتوقع مالا يقل عن ٥ مواجهات… هذا على أساس ان كاس السودان جولة واحدة وكذلك السوبر وهناك جولة واحدة متبقية للممتاز لقاء الدورة الثانية … وجولتان في الابطال …
__________
الحالة
________
المريخ لفت النظر اكثر وأكثر لخسائره الأربعة في الممتاز وتعادلاته بسبب الشكاوى التي قدمها وآثارها … وفي النهاية خسرها ، ونلاحظ ان المريخ بدأ يزج بالهلال في حملته ضد اتحاد الكرة على أساس ان الاتحاد يجامل الهلال ، وسمح لنزار المعتذر عن المنتخب الوطني بالمشاركة مع فريقه ضد النسور …
اولا الظروف التى تخلف بسببها نزار انتفت لان مشاركته لم تكن في نفس يوم اعتذاره عن السفر
ثانيا ان المنتخب مباراته حبية والهلال أمامه معركة مصيرية وبجانب التنسيق الذي تم فانه من المفترض الا يسافر اي لاعب من الهلال مع المنتخب…عكس المريخ المتأهل والذي من المفترض ان يسافر كل نجومه …
والمضحك في احتجاج المريخاب وحملتهم على اتحاد الكرة ان مازدا وعدهم بإشراك أمير كمال لشوط واحد فقط وقام باشراكه كل المباراة ؟ يا سلام …طيب ما كان يسافر غرزة مع المنتخب ويتولى الامر بدلا من مازدا ….
صحح

الموضوع الأصلي : أعمدة الأربعاء 9 سبتمبر 2015 م // المصدر : منتديات أحلى حكاية // الكاتب: عثمان حسن

**عثمان حسن** · الخميس 10 سبتمبر 2015, 6:46 am

أعمدة الأربعاء 9 سبتمبر 2015 م

كرات عكسية ..محمد كامل سعيد يكتب :.جربوها يا مريخاب.. ولن تندموا..!!
محمد كامل سعيد
* استجاب اتحاد الكرة لطلب المريح وقام بتأجيل مباراته في ربع نهائي كأس السودان امام هلال التبلدي تحديداً، ولو كان للطلب علاقة بالمريخ او فرضنا الاحمر مكان التبلداوي لرفض التأجيل دون النظر للموضوع الاّ بالدوافع الشخصية..!!

* أجل الاتحاد المباراة، فما كان للمريخ الاّ الاعتراض على المواعيد الجديدة لربع نهائي الكأس.. ولعل الاتحاد سيقوم بتطبيق اللائحة ويؤجل المباراة ليوم آخر حتى يستوفي المريخ المدة القانونية التي تفصل المواعيد الجديدة عن اللقاء الافريقي..!!

* نقول ذلك ونعلم ونتابع اشتعال الموقف من الجانب المريخي الذي يسعى بعض المنتمين اليه الى تحقيق انتصارات ولو وهمية على قادة الاتحاد، حتى ولو كانت على شاكلة رفض المواعيد الجديدة لمباراة هلال التبلدي..!!

* وفي الوقت الذي يتوارى فيه بعض قادة المجلس والاعلام و(كباره) خلف الجماهير التي لا ترضى في المريخ اي شئ، في هذا الوقت بالذات ستصل الخرطوم بعثة اتحاد العاصمة الجزائري وأعلن المدرب عن رغبته في الفوز على المريخ با م درمان..!!

* قادة المجلس وعرابيهم يهرولون من مركز شرطة الى الاخر، والصفحات تتعاطى مع القضية التي حسمها الاتحاد و(تلوك) و(تمضغ) في قصص انصرافية لأجل تحقيق مكاسب شخصية ومواعيد المواجهة الافريقية اقتربت ولم يتبقى عليها سوى ساعات..!!

* انها الانصرافية بعينها والخواء الذي سيمهد الطريق لحدوث ما لا تحمد عقباه للفرقة الحمراء سواء في ختام ربع النهائي او مباراتي نصف النهائي.. ولا ادري كيف يتعامل بعض الهتيفة بتلك الطريقة دون وضع اي اعتبار للمواجهة المرتقبة..؟!!

* نعم لقد (بلع) المريخاب ـ بما فيهم من يدعون الحرص على مصلحة النادي ـ الطعم وصاروا يوجهون سهامهم السامة الى صدر الفريق ويهددون استمراريته ويساعدون في ضرب استقراره بأساليبهم الاستفزازية والتي لا تخرج عن العنتريات الكاذبة..!!

* مجلس المريخ ضعيف باتفاق السواد الأعظم من محبي النادي، ولعل تلك الحقيقة تضع الاسرة الحمراء امام ضرورة (مباصرة) الأمور بشكلها الحالي الى حين الفراغ من أهم وأبرز وأصعب المباريات وبعدها سيكون لكل حادثة حديث..!!

* جل محبي المريخ يدركون ان دخول الهلال في المنافسة عقب الفوز على مازيمبي اربك الحسابات الحمراء وذلك ليس تقليلاً من شأن المريخ بقدرما هو شفقة عليه خاصة وان مباريات القمة لا تعترف بقوة او ضعف هذا وذاك لأن لها حساباتها الخاصة..!!

* وانا مثل غيري اعلم تمام العلم بمستوى المريخ المتطور خاصة في ربع النهائي والخوف كل الخوف ان يأتي الهلال الذي لم يتأكد عبوره لنصف النهائي حتى الآن وبفريقه الحالي ويستند على ان القمة تلعب بدون مقاييس ويتفوق على الاحمر..!!

* سادتي لقد جربنا سياسة النفخ والتطبيل والدلال وعبارات الغزل مع اللاعبين ولكننا لم نجرب حتى الآن طريقة استفزازهم رغم انها ـ اي تلك السياسة ـ اثبتت نجاحها غير مرة بدليل ما حدث للمريخ نفسه في تونس امام الصفاقسي فلماذا لا نجرب هذا الأسلوب..؟!!

* تخريمة أولى: الواقع يحتم علينا وضع التجارب المريرة السابقة امام اعيننا وقتلها بحثها لأجل الاستفادة خاصة وان الفرصة الحالية المتعلقة بعبور المريخ لنصف النهائي قد لا تتكرر قريباً.. فكونوا على قدر التحدي الصعب والمرتقب..!!

* تخريمة ثانية: مباراة الاتحاد الجزائري اقتربت واعتقد ان المنطق يحتم على كل فرد من افراد الاسرة المريخية تناسي ما يحدث محلياً والتركيز في المواجهة المرتقبة التي يسعى من خلالها رفاق امير كمال للفوز على بطل المجموعة..!!

* تخريمة ثالثة: قليل من المنطق والتعامل بالحكمة سيعبر المريخ المرحلة الحالية ولو من باب تفويت الفرصة على من يخططون سراً لضرب الزعيم.. ولنا عودة باذن الله لهذا الموضوع الحيوي المهم..!!

الموضوع الأصلي : أعمدة الأربعاء 9 سبتمبر 2015 م // المصدر : منتديات أحلى حكاية // الكاتب: عثمان حسن

**عثمان حسن** · الخميس 10 سبتمبر 2015, 6:49 am

أعمدة الأربعاء 9 سبتمبر 2015 م

.

أعمدة الأربعاء 9 سبتمبر 2015 م 12011346_1677719902440873_3207875015598185560_n

أعمدة الأربعاء 9 سبتمبر 2015 م 11988562_1677719995774197_4636236282596098444_n

★واللييييلة.. التالتة وقعت.. بمممم!!..

☆قنبلة.. حﻻة الزول في الطول والعﻻ!!..

★الله يستر من ناس "داعش" والغبراء!!..

☆شقلوب.. البقرة الحلوب!!..

لجنة اﻹستئنافات ترفض طلب فحص إتحاد الكرة العام وتقرر إعادة مباراة "شقلوب البقرة الحلوب" بين اﻷمل ومريخ جمال والتي أقيمت بالدورة اﻷولى وشارك فيها ﻻعب الوصيف/ بكري "شقلوب" "سلفقة" سااااكت بخطاب إستثناء مانحا القانون إجازة مفتوحة بواسطة أسامة "شيرنق" الصديق المستفيد من جمال الوصيف "مصالح مشتركة" وكده يعني وعلى عييينكم ياعالم.. ونعتقد أن اﻷمل في هذه أيضا مظلوم ﻷن نقاط المباراة من المفترض تذهب لﻷمل كاااااملة الدسم غير منقوصة وﻻ نقيطة حليب من مزرعة سيدي البشير حفظه المؤتمر الوطني وحماه من الجنائية وزاده بسطة من مال الشعب الممكون ولكن نعمل شنو مع المجامﻻت الصفراوية دي؟!.. عشان كده على الكابتن/ رزاق وإخوته بأمل الحديد والنار أن يسخنوا جيدا ويستعدوا منذ اﻵن وبدون منشطات أو مساعدة صديق لرجم نجمة المسالمة بييي غزال إتحادها وأن يعيدوا شريط الزكريات الرهيب من تاني وجديد حتى يمتعوا نظرنا بالدهشة "إن" لم يولي الوصيفاب الدبر كالعاده ويرفضوا المواجهة المنتظرة على أحر من الجمر اﻷحمر وإنا لمنتظرووووون...

★ملحوظة:

ادعوا ﻹجتماع عاااااجل بالواتساب وقرروا اﻹنسحاب من الدوري الممتاز "ﻷنو إفففف لحمتو عفنه" وركزوا على اﻷميرة السمراء أرحم لكم من تطبيق الحنة "الزرقاوية" وﻻ أقول ليكم حاجة: أحردوا المباراة دي بالذات قولوا صايمين ربيع الدنيا لحدي ما إتحاد الجنوب كواي القلوب يجيب ليكم خبر شقلوب المحبوب.. عفوا.. طوق مجوك كوك كروك.. واتشقلب يااااعقرب!!...

الموضوع الأصلي : أعمدة الأربعاء 9 سبتمبر 2015 م // المصدر : منتديات أحلى حكاية // الكاتب: عثمان حسن

المنبر الرياضى

المنبر الرياضي

أعمدة الصحف الرياضية

الذين يشاهدون محتوى الموضوع الآن : 20 ( الأعضاء 3 والزوار 17)